ملك زاهر لـ«الجمهور»: البطولة المطلقة ليست أولويتي.. وأتمنى التعاون مع خطيبي شريف الليثي
في تصريحات خاصة لموقع «الجمهور» على هامش العرض الخاص لفيلم «خلي بالك من نفسك»، أعربت الفنانة ملك زاهر عن سعادتها بحضورها لدعم خطيبها المؤلف شريف الليثي، كما تحدثت عن نجاحاته الأخيرة وإمكانية تعاونهما فنيًا.
موجودة النهارده لدعم شريف الليثي؟
ملك زاهر: طبعًا، جاية أسانده وأدعمه، وإن شاء الله الفيلم يحقق نجاحًا كبيرًا، وألف مبروك لكل فريق العمل.
بعد الخطوبة شريف بقى عنده أكتر من مشروع ناجح.. شايفة نفسك وش الخير عليه؟
ملك زاهر: يا رب أكون وش الخير عليه، والحمد لله ربنا كرمه، وإن شاء الله يفضل ينجح ويحقق نجاحات أكتر وأكتر.
ممكن يكتبلك فيلم أو عمل يجمعكم؟
ملك زاهر: طبعًا أتمنى جدًا، ولو لقي عمل مناسب أكيد هنبقى مبسوطين بالتعاون، وإن شاء الله يحصل في الوقت المناسب.
الجمهور وحشته يشوفك في أعمال جديدة.. إيه جديدك؟
ملك زاهر: إن شاء الله في أعمال جديدة الفترة الجاية، وأتمنى تعجب الجمهور.
جاهزة لخطوة البطولة المطلقة؟
ملك زاهر: أنا بهتم أكتر بالدور الجيد، ولما ييجي الوقت المناسب للبطولة أكيد هكون سعيدة جدًا بيها.
شريف الليثي في حاجات من أحمد زاهر؟
ملك زاهر: طبعًا، في صفات كتير مشتركة بينهم، وده شيء أنا بحبه جدًا، هما الاتنين بيحبوني جدًا وبيغيروا عليا جدًا.
