مسلم لـ«الجمهور»: «إيه يا حلوة» رجعتني بقوة.. ويارا كانت سببًا في نجاح الأغنية
في تصريحات خاصة لموقع «الجمهور» على هامش العرض الخاص لفيلم «خلي بالك من نفسك»، تحدث المطرب مسلم عن نجاح أغنيته الأخيرة، وكشف كواليس تعاونه مع زوجته يارا، كما تحدث عن سر العلاقة التي تجمعهما.
في البداية.. إيه رأيك في فيلم «خلي بالك من نفسك»؟
مسلم: سعيد جدًا إني موجود في العرض الخاص، وإن شاء الله الفيلم يحقق نجاح كبير، وكل التوفيق لكل فريق العمل، أنا من جمهور ياسمين عبد العزيز وأحمد السقا.
أغنية «إيه يا حلوة» حققت نجاحًا كبيرًا.. إيه سر النجاح من وجهة نظرك؟
مسلم: الحمد لله، الناس بتحب الأغاني اللي فيها إحساس، ويمكن دي الحاجة اللي بتميزني، وبحاول دايمًا أقدم حاجة تلمس الجمهور.
إيه حكاية الأغنية؟
مسلم: الفكرة بدأت لما اتعرضت عليا، واشتغلنا عليها لحد ما خلصت، والحمد لله أول ما نزلت لاقت ردود فعل قوية.
إيه سر العلاقة المميزة بينك وبين زوجتك يارا؟
مسلم: يارا بالنسبة لي شخص مميز جدًا، ولقيت فيها حاجات كتير كنت بدور عليها، وهي داعمة ليا بشكل كبير، وربنا يديم المحبة بينا.
