تامر حسني عن حفله الأخير: أحلى حفلة في حياتي

السبت 30/مايو/2026 - 10:00 م

أبدى النجم تامر حسني سعادته الكبيرة بحفله الأخير، الذي وصفه بأنه أحلى حفل بحياته، وقال عبر حسابه الشخصي على الفيسبوك: حفلة الأرينا بجد أحلى حفلة في حياتي.

وأضاف تامر حسني: مبسوط إنكم اتبسطوا بيها أوي كده وعملت كل اللي كنتوا بتقولولي عليه غنيت أغاني مش بغنيها وقدمت توزيعات جديدة ولعبت ريمكسات جديدة متسجلة عشان خاطركم من جديد زي ما طلبتوا مع الـDj هانز والموزع الكبير جلال فهمي والفنان الراقي سام محمد وسهرنا شهر كامل نسجل ونوزع من جديد كإني بعمل ألبوم ورجعت عملت عروض كاملة زي 2007 بس طبعاً بتطور مش طبيعي في المسرح المصري والعربي زي مانتوا شايفين أكيد ده مش شكل مسرح طبيعي، المسرح ده فكرتي وعملته عشان أطور بيه الصناعة مرة تانية من بعد ما أدخلت زمان الفاير وركس بشكل ضخم في كل أنحاء مصر و الوطن العربي مع العبقري أحمد عصام وكمان الشاشات العملاقة المتنوعة.

واستكمل: الـ3D mapping وطبعاً اشتراك المطرب نفسه في العروض مع الاستعراضيين بنفس كفاءتهم، النهارده قدمت ديكور مسرحي بتكلفة يمكن تجاوزت 3 أضعاف تكلفة المسرح الطبيعي المعتاد علشان أقدمهلكم ويكون نقلة نوعية جديدة بقدمها للمرة التانية في سنة 2026 على هيئة ديكور ضخم ومتنوع كل المجهود والتعب اللي عدى في الشهر اللي فات عشانكم نسيته وتحول لفرحة مع أول سقفة منكم ليا فخور إني قدمت النهارده للصناعة عملاق جديد اسمه (أمير وحيد) اللي بنا المسرح ده كله، هو وشباب زي الورد مهندسين وعمال وموظفين شكراً يا شباب شكراً من قلبي شكراً للأستاذ العبقري عماد نبيل والساوند سيستم الخرافي مع المهندسين الكبار عمرو خيري ومحمد مجدي وأحمد عبد القادر شكراً ل Coach نادين عادل وفريقها الاستعراضي الكبير شكراً لمهندس الإضاءة الاستثنائي حاتم الخولي والشركة الرائدة في الشاشات والصوتيات والإضاءة the. technology والمهندس المسرحي الكبير تامر فوزي وشركة إسلام أبو ياسين الخاصة بالتصوير وأحمد نصر للتصوير بالـ FPV وشركة TH الخاصة بالـ visual screen لهم مني كل الفخر و الاعتزاز أحمد نادر، موسى، عمرو صلاح محمد هادي، چيمي عالم وجميع أبطال الشركة اللي ساهموا في التنظيم باسل نادر، ليما المصري، أش أش وباقي أبطال الشركة من فريق السوشيال ميديا اللي كانوا بيجمعوا آراءكم طول الشهر وبيتواصلوا مع المواهب المصرية العظيمة اللي قدمتها عالمسرح في الموسيقى والتمثيل.

وتابع تامر حسني: وكل الشكر لإدارة أعمالي حبايب قلبي حسام حسني وتامر يحيى والخطير رامي مسعد وفرقتي الموسيقية والطاقم التقني وبراند seven اللي تعب معايا في outfit الحفلة وكل التقدير لشركة Vision Group الشركة المنظمة والشركة المصرية العريقة تذكرتي.