ناهد السباعي : الدور مش بحجمه لكن بقدر تأثيره

علقت الفنانة ناهد السباعي على دورها في فيلم "السادة الأفاضل" قائلة: "العمل جماعي، ومهما زادت مساحة الأدوار أو قلت، الحكاية كلها متشابكة مع بعض صح".

وأضافت ناهد السباعي خلال لقائها ببرنامج "الصورة" الذي تقدمه الإعلامية لميس الحديدي على شاشة "النهار": "عمر أهمية الدور ما كانت بمساحته، لكن بقيمته. الفيلم مش لفنان بعينه، لكنه عمل جماعي متميز، عبارة عن مجموعة من الفنانين متقابلين في عمل، وكل واحد ليه تأثير، ولو ماكنتش هأثر ماكنتش شاركت، فالدور مش بحجمه لكن بقدر تأثيره في تضفيرة العمل".

فيلم "السادة الأفاضل"
 

وتابعت ناهد السباعي قائلة: "من ضمن أمنياتي اللي تحققت في فيلم "السادة الأفاضل" هو إني أشتغل مع المخرج كريم الشناوي، لأنه بيحب الممثل وبيخليه يحس إن دوره أهم دور. أنا ماحستش إن دوري صغير أو كبير، لأن الفيلم أحداثه بتجري في وقت قصير جدًا، وبتدور في مكان واحد، فبالتالي مافيش حد دوره صغير أو كبير، لأن الأحداث كلها بتحصل في يوم واحد".
وأكملت ناهد السباعي: "الناس كلها بتشارك وبتسلم لبعض، ومن أصعب أيام التصوير إننا كنا كلنا بنستلم من بعض ونسلم لبعض، حد داخل وحد خارج."
وأضافت ممازحة:"كنت سعيدة بكمية الفنانين، كانت هيصة! دخلنا البروفة وشوفنا بعض، جالنا حالة انبهار وكنا بنقول لبعض: إيه ده! إنت معانا؟ إحنا مع بعض!".
وعن مشهد الخناقة الكبيرة قالت السباعي ضاحكة:"أنا اللي اتضربت في الخناقة مش العكس!".

ممازحة لميس الحديدي

بينما مازحت الإعلامية لميس الحديدي الفنانة ناهد السباعي ونجوم فيلم "السادة الأفاضل" في حلقة خاصة على هامش مهرجان الجونة السينمائي، قائلة: "أنا عندي مشكلة إن هنادي مهنا في الفيلم اسمها لميس! مش دارج اسم لميس في السينما".
ليرد الكاتب مصطفى صقر مازحًا: "علشان يبقى فيه تميز في العمل."لتعقب الحديدي ضاحكة: "إنت مطلعها بنت كول!"وأكمل المخرج كريم الشناوي الحديث قائلاً: "مش حاكمين على أي شخصية فيهم".
لتفاجئ ناهد السباعي بقولها: "اسم حلو، طبقي!"لترد الحديدي مازحة: "يا دي المصيبة!".
فيما مازحها المخرج كريم الشناوي قائلاً: "بنحاول نساعدك، وديناكي في حتة أوحش!"لترد السباعي ضاحكة: "أرستقراطي!".
يذكر ان فيلم  «السادة الأفاضل» ينتمي لنوعية الأعمال الكوميدية من بطولة محمد ممدوح وأشرف عبدالباقي ومحمد شاهين وطه الدسوقي، وناهد السباعي وتالأيف  مصطفى صقر  وإخراج كريم الشناوي.