مفاجأة.. أوتاكا يفجرها: هدير عبد الرازق هددتني بـ فيديوهاتنا سوا| ماذا قال؟
عادت البلوجر هدير عبد الرازق لتتصدر محرك البحث من جديد ومنصات التواصل الاجتماعي بعد اعترافات البلوجر أوتاكا - طليقها - أمام جهات التحقيق وكشفه حقائق مثيرة عن مقطع الفيديو المسرب لهما سويا.
أقوال مثيرة لـ اوتاكا عن فيديو هدير عبد الرازق
خلال التحقيق معه قال البلوجر أوتاكا، اشتغلت في تسويق معارض وموبيليه وفي مكتبة واشتغلت في فنادق، واشتغلت جنب التعليم، وبعدين حبيت أعمل فيديوهات في 2021 على اليوتيوب وكان محتوايا كويس وابتدى يخشلي فلوس فبطلت أشتغل أي حاجة ثانية وركزت في السوشال ميديا وبعد كدة اتجوزت واحدة أردنية في 2022 والظروف مكنتش حلوة في الماديات ساعتها وسبنا بعض ومن ساعتها وأنا بطلت أعمل فيديوهات بشكل مختصر واشتغلت في تسويق العقارات.
وأوضح أوتاكا في اعترافاته: التهرب الضريبي كلمه ولما كلموني قولتلهم إنى بطلت أعمل فيديوهات وإني بعمل فيديوهات على التيكتوك بس مش بشكل مستمر وكان ساعتها عندي 700 ألف متابع وكان التيك توك مكنش لسه بقى مربح، وقالولي في التهرب إني محتاج أعمل سجل تجاري وبطاقة ضريبية وفعلا عملت الكلام ده وبطلت أعمل فيديوهات خالص لحد ما حصل قصة هدير عبد الرازق والفيديو بتاعها اتسرب، وأنا طلعت في فيديو بدافع عنها والفيديو ده جاب 10 ملايين مشاهدة بس مجبليش فلوس عشان التيك توك مش بيدي فلوس على الفيديوهات وبعدين ابتديت افتح لايفات ودي اللي بتجيب فلوس.
البلوجر أوتاكا: هدير عبد الرازق هددتني بالفيديوهات
واصل المتهم محمد أوتاكا في اعترافاته وبعد الفيديو اللي عملته لهدير بعتتلي وشكرتني على الفيديو وابتدينا نتكلم وقربنا من بعض واتجوزنا شهرين ومكناش معرفين المتابعين بتوعنا وحصل بينا خلافات كتير وكبيرة بعد الجواز فسيبنا بعض وكان فيه فيديوهات بيني وبينها على تليفوني وتليفونها، ومن فترة ما واحنا متجوزين هي كانت بتهددني وقت الخلافات إنها هتبعت الفيديوهات لأهلي وجه شهر 12 اللي فات عملت محضر في التجمع في هدير وأهلها، اتهمتهم إنهم خطفوني وهددوني وهي اتهمتني إني سرقتها وبعدين اتصالحنا في المحضر واطلقنا ساعتها ومسحنا الفيديوهات من موبايلات بعض ومتكلمناش من ساعتها غير من كام يوم بعد ما طلعت من الحبس واطمنت عليها واتقابلنا في مراسي وساعتها مسكت تليفونها علشان أتأكد إن مفشهاش الفيديوهات وملقتش حاجة فعلا ورجعت من الساحل.
فيما أحالت جهات التحقيق المختصة رسميا إلى المحاكمة الجنائية المختصة، بعد أن وجهت له اتهامات خطيرة بنشر فيديوهات خادشة للحياء العام وإساءة استخدام مواقع التواصل الاجتماعي، بالإضافة إلى الاتهام بـ غسل 12 مليون جنيه متحصلة من تجارة المخدّرات، وقررت التحفظ على أمواله ومنعه من التصرف فيها، وذلك بعد بيان رسمي من وزارة الداخلية جاء فيه ضبط أوتاكا إثر ورود بلاغات ضده بنشر مقاطع تمثل انتهاكًا للقيم والمبادئ الاجتماعية، بهدف زيادة نسب المشاهدات وتحقيق أرباح مالية بطريقة غير مشروعة. كما زُعم أن المتهم كان يملك شبكة من الأموال المشبوهة الناتجة عن أنشطة الاتجار بالمخدّرات.
