أحمد العوضي يرد على منتقديه بعد إعلان ترشيد استهلاك الكهرباء
بعد الإعلان التوعوي الذي قدمه النجم أحمد العوضي عن "قفل النور"، من أجل حس المواطنين على ترشيد الاستهلاك وتوفير الكهرباء، خرج البعض على مواقع التواصل الاجتماعي للهجوم على أحمد العوضي، واتهامه بأنه يعيش في فيلا بها 15 غرفة، بينما اتهمه البعض بأنه تقاضى الملايين من الجنيهات في هذا الإعلان.
رد أحمد العوضي
وخرج أحمد العوضي لتوضيح كافة الأمور، حيث نشر فيديو عبر حسابه الشخصي على الفيسبوك قال فيه: أنا طالع بمناسبة الإعلان بتاع ترشيد الاستهلاك اللى عملته، وفيه ناس أخدته من باب الهزار وقالت أني قاعد في بيت فيه 100 لمبة وطالع يقول لنا أقفلوا النور وأحنا عايشين بلمبة واحدة.
وأضاف: يا جماعة مش عايزين نمشي ورا كلام الناس الفاضية، وأنا مخدش ولا جنيه في الإعلان ده، وكل اللى أنا قلته لو أنت قاعد في الصالة وغرفة النوم نورها مفتوح أقفله، كدة أبقى قلت حاجة غلط أو كفرت بالله.
توضيح الحقائق
واستكمل أحمد العوضي حديثه: أنا بقول على حاجة هتسعدنا كلنا، معنى كدة أني متأمر أو مش حاسس بيك، ومين قلك أني أخدت ملايين وقاعد في فيلا بها 15 غرفة، لكن أنا عارف أن إخواتي عقلين، ولو أخدت كلامي بحسن نية فأنا باوفر لك فلوسك.
واختتم أحمد العوضي حديثه قائلا: انتظروا مسلسل رمضان 2027 بإذن الله هيعدي كل المسلسلات اللى فاتت، وانتظروا فيلم "شمشون ودليلة".
