اعترافات مثيرة لمروج مخدرات الغربية: "السوشيال ميديا كانت أسرع طريق للزبائن"

في اعترافات تفصيلية أدلى بها المتهم عقب ضبطه، كشف كواليس نشاطه الإجرامي، مؤكدًا أنه لجأ إلى مواقع التواصل الاجتماعي كوسيلة حديثة لتوسيع دائرة تجارته غير المشروعة.

تفاصيل اعترافات المتهم 

وقال المتهم:"أنا عاطل ومكنش عندي شغل ثابت، ففكرت أشتغل في تجارة المخدرات عشان أكسب فلوس بسرعة.. وكنت شايف إن السوشيال ميديا أسهل وأسرع وسيلة أوصل بيها للناس".
وأضاف:"أنشأت حساب على أحد مواقع التواصل وبدأت أنشر عليه بشكل غير مباشر، وبعد كده بقيت بعرض المواد بشكل صريح.. والطلب زاد مع الوقت، وبقي فيه زباين بيتواصلوا معايا باستمرار".
وتابع المتهم في اعترافاته:
"كنت بروج للحشيش والهيدرو، وكنت محتفظ بكميات في البيت علشان أكون جاهز لأي طلب.. وكنت بحدد مواعيد ومكان التسليم عن طريق الرسائل".
وعن لحظة ضبطه، قال:
"مكنتش متوقع إن الشرطة هتوصل لي بالسرعة دي، لكن واضح إنهم كانوا متابعين كل حاجة.. أول ما دخلوا عليّ عرفت إن خلاص كل حاجة انتهت".
واختتم المتهم اعترافاته قائلاً:
"أنا غلطت وندمان على اللي عملته.. وكنت فاكر إني بعيد عن أعين الأمن، لكن الحقيقة إنهم كانوا شايفين كل حاجة".
وتأتي هذه الاعترافات لتكشف جانبًا من الأساليب المستحدثة في ترويج المواد المخدرة، في وقت تواصل فيه الأجهزة الأمنية جهودها لملاحقة الخارجين عن القانون، سواء في الواقع أو عبر الفضاء الإلكتروني.