منى ذو الفقار: الدفاع عن إخوتي الصغار كان حاجة تلقائية عندي
قالت الدكتورة منى ذو الفقار المحامية المعروفة، إن الوقوف بجانب إخوتها الصغار في البيت كان شيئًا تلقائيًا منذ الصغر: "أخويا الصغير كان شقي جدًا، وأمي وإخواتي الكبار بيتخانقوا معاه، فأنا كنت على طول بروح داخلة وأسانده. دي كانت حاجة طبيعية بالنسبة لي".
وأضافت في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار"، أنّ النشأة في بيت الفنان الكبير صلاح ذو الفقار والأسرة المحيطة بها، من الشرطة للفن، تركت بصمة كبيرة على شخصيتها.
مهارات التمثيل والإخراج
وأوضحت: "بصراحة أنا استفدت من كل حاجة، زي الإسفنجة. كل التجارب دي وكل الخبرات دي استفدت منها. مهارات التمثيل والإخراج ساعدتني وأنا بفكر إزاي أحل أي مشكلة، سواء كانت قضية، مفاوضات، عقد، أو مشروع موقوف، وده بيخلي المشروع ينجح على أرض بلدي".
وأكدت منى ذو الفقار أن والدها علمها أهم صفات المحامي الناجح، مشيرًة إلى أن الانضباط والعطاء هما جوهر النجاح: "والدي علمني إن الانضباط مش بس لأنه ضابط، ده حاجة جوهرية، والمحامي اللي مش منضبط مش هيقدر ينجح. وكمان علمني أهمية العطاء. نص الناس يا قادرين على العطاء يا مش قادرين، واللي مش قادر على العطاء ده مشكلة حقيقية"، مواصلة، أن كل هذه القيم شكلت شخصيتها ومهاراتها العملية، وجعلتها قادرة على مواجهة أصعب القضايا والمفاوضات القانونية.
" width="1200" height="679">العمل الأهلي والجمعيات الخيرية
وألمحت الدكتورة منى ذو الفقار، إن والدتها كان لها تأثير كبير على حياتها في جانب العمل الأهلي والجمعيات الخيرية.
وأشارت: "الوالدة كل التأثير اللي أثرت فيا كان في الجمعيات الخيرية، وكنت رئيسة جمعية تحسين الصحة، وده ورثته عنها بالكامل. كل العيلة لازم تتبرع ونشارك مع الأصدقاء، وده شيء قريب جدًا لقلبها".
" width="1200" height="680">عيلة متماسكة
وأردفت: "أول ما أبويا اتجوز شادية وترك البيت، كنت أنا في أمريكا وبعدين رجعت وخدت المفاجأة. في البداية الموضوع كان صعب، بس والدتي كانت حريصة على إن علاقتنا أنا وإخوتي ما تتأثرش. هي اللي حافظت على التوازن، وده خلّى الأمور تمشي بشكل أفضل".
واختتمت منى ذو الفقار أن البيت علمها وأخوها وأختها كيف يكونوا عيلة متماسكة: "كانت والدتي لطيفة جدًا، تبذل مجهود عشان تبقى مرحبة بينا، وده علمنا أهمية العطاء والحفاظ على العلاقات مهما حصل. وده درس مهم جدًا في حياتي الشخصية والمهنية، علمنا الصبر والتوازن والاحترام".
