محمد عبد الجليل: هناك أشخاص تتعمد الهجوم على حسام حسن.. ومنتخب مصر ليس ضعيفا

تحدث محمد عبد الجليل نجم الكرة المصرية السابق، على فوز منتخب مصر على زيمبابوي في بطولة كأس أمم إفريقيا.

أكد محمد عبد الجليل نجم الكرة المصرية السابق، أن هناك اشخاصا تتعمد الهجوم على حسام حسن بصرف النظر عن نتيجة المنتخب.

وقال عبد الجليل في تصريحات مع سهام صالح لبرنامج الكلاسيكو على قناة اون: الناس قاعده لحسام حسن ومستنياله على غلطه وفي ناس بين الشوطين كانوا بيقطعوا.

واضاف: الاداء مش افضل حاجه لكن عرفنا نكسب والصحف كلها اشادت بينا واول مره اشوف اللاعيبة تضيع الكورة في السما ده.

وتابع: اللاعب بيخلص الماتش وبيفتح فونه يشوف الناس في السوشيال يقول ايه واحنا مش اقوياء اوي ومش ضعاف اوي.

وأردف: الناس عاوزه صلاح يكون ساحر اما جول لاما يصنع جول، صلاح مفيش كورة بتطلع من رجله غلط.

واكمل: اتفاجئت بتواجد امام عاشور في التشكيل الاساسي لانه راجع من اصابة كبيرة اوي، امام عاشور وهو في التدريب بيبقى مغري وبيبين انه احسن حاجه عشان كده لعب.

واختتم: عجبني رد فعل امام عاشور بعد تبديله وكبر ونضج.. انا حسيته من استلامه انه مش قادر، وجلوس مصطفى محمد برضو عليها علامات استفهام.