اوتاكا يفجر مفاجأة عن فيديوهاته مع هدير عبد الرازق: مقطعين بهاتفها ومسحناهم
تصدر البلوجر محمد اوتاكا طليق البلوجر هدير عبد الرازق محرك البحث ومنصات التواصل الاجتماعي بعد قرار المحكمة الاقتصادية اليوم الخميس، بحجز محاكمته في اتهامه بنشر فيديوهات خادشة للحياء العام وإساءة استخدام مواقع التواصل الاجتماعي للحكم لجلسة 29 أكتوبر.
القصة الكاملة لقضية البلوجر اوتاكا
كشفت التحقيقات في قضية البلوجر محمد اوتاكا طليق هدير عبد الرازق والمتهم فيها بنشر فيديوهات خادشة، أن المتهم كان يصور ويبث هذه المقاطع من داخل شقته، بهدف تحقيق مشاهدات عالية لزيادة نسبة الأرباح من منصات التواصل الاجتماعي، وبتفتيش منزله عثر بحوزته على مواد مخدرة “كوكايين وحشيش”، بقصد الإتجار.
وكشف اوتاكا خلال التحقيقات بأن هدير عبد الرازق كانت زوجته عرفيا وانفصلوا في 30 ديسمبر 2024، وهو الآن أعزب، وتزوجا سويا لمدة 4 أشهر فقط وأنهم قاموا بتصوير فيديوهين في شهر ديسمبر قبل الطلاق، وانه القائم بالتصوير مستخدما هاتف هدير عبد الرازق، وبعدها مسحهم أول ما حصلت المشكلة.
اوتاكا يكشف تفاصيل فيديوهاته مع هدير عبد الرازق
وقال اوتاكا خلال التحقيقات عشان كان حصل مشكله بيني وبينها وأنا كنت روحت عملت فيها محضر في قسم التجمع الخامس لأنها واخواتها وابن عمها كانوا خطفوني وابتزوني إنهم هينشروا الفيديوهات دي؛ فروحت عملت محضر وقلت فيه الكلام ده، وهي وقتها عملت لي نفس المحضر لكن اتصالحنا واتنازلنا عن المحضرين دول، واتفقنا إننا هنمسح الفيديوهات دي وبالفعل أنا مسحتهم من على تليفوني وهي قالت إنها مسحتهم.
وأضاف اوتاكا فيه واحد منهم متصور في شقتها اللي في مدينتي وفيه 3 متصورين عندي في شقتي اللي كان في أكتوبر، والفيديوهات دي إحنا صورناها بناء على رغبتها، وبناء على طلبها علشان هي بتحب العلاقة تكون كده، والفيديوهات دي مش منشورة ولما صورناها كنا متجوزين فعلا.
أقوال مثيرة لـ اوتاكا عن فيديو هدير عبد الرازق
خلال التحقيق معه قال البلوجر اوتاكا، اشتغلت في تسويق معارض وموبيليه وفي مكتبة واشتغلت في فنادق، واشتغلت جنب التعليم، وبعدين حبيت أعمل فيديوهات في 2021 على اليوتيوب وكان محتوايا كويس وابتدى يخشلي فلوس فبطلت أشتغل أي حاجة ثانية وركزت في السوشال ميديا وبعد كدة اتجوزت واحدة أردنية في 2022 والظروف مكنتش حلوة في الماديات ساعتها وسبنا بعض ومن ساعتها وأنا بطلت أعمل فيديوهات بشكل مختصر واشتغلت في تسويق العقارات.
وأوضح اوتاكا في اعترافاته: التهرب الضريبي كلمه ولما كلموني قولتلهم إنى بطلت أعمل فيديوهات وإني بعمل فيديوهات على التيكتوك بس مش بشكل مستمر وكان ساعتها عندي 700 ألف متابع وكان التيك توك مكنش لسه بقى مربح، وقالولي في التهرب إني محتاج أعمل سجل تجاري وبطاقة ضريبية وفعلا عملت الكلام ده وبطلت أعمل فيديوهات خالص لحد ما حصل قصة هدير عبد الرازق والفيديو بتاعها اتسرب، وأنا طلعت في فيديو بدافع عنها والفيديو ده جاب 10 ملايين مشاهدة بس مجبليش فلوس عشان التيك توك مش بيدي فلوس على الفيديوهات وبعدين ابتديت افتح لايفات ودي اللي بتجيب فلوس.
البلوجر اوتاكا: هدير عبد الرازق هددتني بالفيديوهات
واصل المتهم محمد اوتاكا في اعترافاته وبعد الفيديو اللي عملته لهدير بعتتلي وشكرتني على الفيديو وابتدينا نتكلم وقربنا من بعض واتجوزنا شهرين ومكناش معرفين المتابعين بتوعنا وحصل بينا خلافات كتير وكبيرة بعد الجواز فسيبنا بعض وكان فيه فيديوهات بيني وبينها على تليفوني وتليفونها، ومن فترة ما واحنا متجوزين هي كانت بتهددني وقت الخلافات إنها هتبعت الفيديوهات لأهلي وجه شهر 12 اللي فات عملت محضر في التجمع في هدير وأهلها، اتهمتهم إنهم خطفوني وهددوني وهي اتهمتني إني سرقتها وبعدين اتصالحنا في المحضر واطلقنا ساعتها ومسحنا الفيديوهات من موبايلات بعض ومتكلمناش من ساعتها غير من كام يوم بعد ما طلعت من الحبس واطمنت عليها واتقابلنا في مراسي وساعتها مسكت تليفونها علشان أتأكد إن مفشهاش الفيديوهات وملقتش حاجة فعلا ورجعت من الساحل.
فيما أحالت جهات التحقيق محمد اوتاكا رسميا إلى المحاكمة الجنائية المختصة، بعد أن وجهت له اتهامات خطيرة بنشر فيديوهات خادشة للحياء العام وإساءة استخدام مواقع التواصل الاجتماعي، بالإضافة إلى الاتهام بـ غسل 12 مليون جنيه متحصلة من تجارة المخدّرات، وقررت التحفظ على أمواله ومنعه من التصرف فيها، وذلك بعد بيان رسمي من وزارة الداخلية جاء فيه ضبط أوتاكا إثر ورود بلاغات ضده بنشر مقاطع تمثل انتهاكًا للقيم والمبادئ الاجتماعية، بهدف زيادة نسب المشاهدات وتحقيق أرباح مالية بطريقة غير مشروعة. كما زُعم أن المتهم كان يملك شبكة من الأموال المشبوهة الناتجة عن أنشطة الاتجار بالمخدّرات.