سلوى خطاب: مفيش ست متخانتش.. وأنا تعرضت للخيانة

علقت الفنانة سلوى خطاب، عن موقفها من الزواج، مؤكدة أنها لا تشعر بالندم على عدم تكرار التجربة، لأنها ترى أن الزواج ليس مجرد ارتباط، بل يحتاج إلى توافق فكري وحقيقي بين الطرفين.

وقالت سلوى خطاب"، خلال لقائها مع الإعلامية أسما إبراهيم في برنامج "حبر سري"، المُذاع عبر شاشة "القاهرة والناس"، : "مش عايزة أتجوز لمجرد الجواز.. مفيش ست متخانتش، أنا تعرضت للخيانة"، منوهة بأنها مرت بتجربة حب وزواج، وكانت بينها وبين زوجها طريقة تفكير وأحلام مشتركة، لكنها لا تفكر في الزواج مرة أخرى لمجرد كونه خطوة اجتماعية متوقعة، مضيفة: "أنا متعودة إن الراجل اللي معايا لازم يكون عنده فكر.. وفي وسط الزحمة والشغل، بنسى إن المفروض أتجوز".

ونوهت بأن الانفصال لم يكن بسبب خيانة، بل كان قرارًا لحماية العلاقة من الوصول إلى مرحلة الكره، متابعة: "كنا بنحب بعض جدًا، وقصة حبنا كانت كبيرة، لكن لما قررنا الانفصال، كان فيه نظرة احترام متبادلة.. كان إنسان نبيل ومثقف وعاشق للفن".

سلوى خطاب  الست ملهاش غير فلوسها وصحتها.. كل حاجة بتروح وتيجي.

أكدت الفنانة سلوى خطاب أهمية اعتناء المرأة بنفسها، قائلة: "المرأة يجب أن تهتم بصحتها وجمالها قبل أي شيء، لأن ذلك ينعكس على حالتها النفسية وقدرتها على العطاء، وأنا بحب الست اللي بتاخد بالها من نفسها، لو ماخدتش بالها من نفسها محدش هياخد باله منها".

وأوضحت سلوى خطاب، خلال لقائها مع الإعلامية أسما إبراهيم في برنامج "حبر سري"، المُذاع عبر شاشة "القاهرة والناس"، أنها تحب النساء والفتيات اللاتي يهتممن بأنفسهن، مضيفة: "لو مش مهتمة بنفسك، مش هتقدمي حاجة لحد.. لازم تهتمي بشعرك، ببشرتك، بصحتك.. ده مهم عشان نفسك قبل أي حد تاني، لازم تشوفي زيت لشعرك وكريم لوجهك، لأن ده بيريح نفسية السيدات بشكل كبير".

وتابعت: "فلوسك وصحتك هم الأساس.. أهم ما تملكه المرأة هو صحتها واستقلالها المادي، الست مالهاش غير فلوسها وصحتها.. كل حاجة تانية بتيجي وتروح، لكن دول الأساس".