تشبنهي في حاجات كتير.. احمد جمال يكشف عن أول لقاء وصفات خطيبته فرح (فيديو)

حل المطرب احمد جمال، وخطيبته فرح الموجي ضيوفا في برنامج معكم مني الشاذلي، المذاع علي قناة ON، وتحدث احمد عن صفات خطيبته فرح وأكد انها تشبهه في صفات كثيرة.

قال احمد: “عرفت عن فرح شويه حاجات بجد بجد هي شبهي فيهم قوي، بص احنا هادين زي بعض في نفس الوقت احنا فرفوشين يعني بنهزر وبنضحك وكل حاجه بس هادين مش كشريين”.

 وأضاف: “أن فرح زيي بتحب أجواء الهدوء حواليها، حتي في اغانيها تحب الأغاني  الهادية، ولكن مختلفين في نقاط بسيطة مثلا ذوقنا في الاكل، لكن في الطباع زي بعض جدا”.

بينما اكدت خطيبته فرح الموجي علي كلامه قائلة: “اللي عجبني في أحمد فعلا النقطة دي انه هادي جدا، لأني مكنتش هعرف اتعامل مع حد عصبي أو نرفوز، بالرغم أنه عصبي يعني اما بيتعصب  بيبقي صعب جدا”.

واكملت فرح حديثها: “ ان اللي عجبني فيه اكتر انه حنين وبيفهم وبيعرف يحتوي الموقف وهادي ومتربي ومؤدب وشاطر جدا وعلاقته باهله كويسه ودي كانت نقطه مهمة جدا بالنسبة لي لازم يبقى الشخص يبقي علاقته بمامته وباباه وأهله حلوة”.