زيزو: علاقتي بلاعبي الزمالك قوية.. والبعض يخشى الظهور معي بسبب الجماهير
كشف أحمد السيد زيزو، لاعب الزمالك السابق، عن استمرار علاقته القوية بعدد من لاعبي القلعة البيضاء، رغم حالة الجدل الكبيرة التي صاحبت رحيله، مؤكدًا أن بعض اللاعبين باتوا يتعاملون بحذر خوفًا من ردود فعل الجماهير عبر مواقع التواصل الاجتماعي.
وقال زيزو، خلال ظهوره مع الإعلامي سيف زاهر عبر قناة “أون سبورت”: لسه علاقتي قوية بلاعيبة كتير في الزمالك، بس مش هقول أسامي علشان مسببش ليهم مشاكل، لأن دلوقتي أي حد بيتصور معايا أو حتى يسلم عليا الناس تقول لازم يمشي من النادي.
وأضاف: وصلنا لمرحلة إننا بنكلم بعض والعلاقة بينا كويسة، لكن في الدرا علشان خايفين من الجمهور أو خايفين ينزلوا ستوري ليا أو يشاركوا حاجة تخصني.
وأشار زيزو إلى أن بعض اللاعبين لم يتأثروا بتلك الضغوط، وعلى رأسهم أحمد فتوح، قائلًا: “فتوح مختلف ومبيفرقش معاه الكلام ده، لأنه راجل وفاهم إن مينفعش أخسر صداقتي مع حد علشان واحد داخل يشتم على السوشيال ميديا.”
كما وجه زيزو إشادة خاصة بعدد من لاعبي الزمالك، مؤكدًا قوة علاقته بهم، ومن بينهم عمر جابر، حسام عبد المجيد، محمد إسماعيل، ومحمد شحاتة.
