سلوي محمد علي: بناتي لم يتلحقن بالمجال الفني لأنهم اتعقدوا
حلت الفنانة سلوى محمد علي كضيفة في برنامج "بين السطور" تقديم الإعلامية يمني بدراوي على قناة TEN، المذاع يوميا من السبت الي الاربعاء، حيث تحدثت عن حياتها الشخصية والمهنية، ومخاوفها، وتجاربها العائلية والفنية.
أوضحت سلوى محمد علي أن بناتها لم يلتحقن بالمجال الفني رغم انتماء الأسرة للفن، قائلة: "بناتي اتعقدوا من الوسط الفني عشان كدا مشتغلوش في الفن، وبنصرف في الشغل على الشغل".
توأم سلوى محمد علي
وعن توأمها مريم ومي، قالت:"سبت الشغل واستمتعت بيهم، وبردو أتمنى يتجوزوا ويخلفوا. وممكن أوافق يتجوز من جنسية مختلفة ولكن مش دين مختلف، ومفيش حاجة أقدر أحكم فيها بخصوص الخلفة".
" width="1200" height="900">تحدثت سلوى محمد علي عن رحيل زوجها، مؤكدة أنه كان حب حياتها وشريكها وصديقها، مضيفة: "فقدت شريك حياة وصديق بعد رحيله".
وفاة والدتها
تطرقت سلوى محمد علي إلى وفاة والدتها، قائلة: "شوفتها وهي بتموت، وماكنش عندي أمل إنها تتحسن وكنت هادية، لكن أختي كانت بتصرخ في الدكتور: أنا مش بخاف من الموت دي سنة الحياة، ودي الحقيقة الوحيدة اللي في الحياة".
وكشفت أيضًا عن اكتشاف إصابتها باضطراب فرط الحركة وتشتت الانتباه (ADHD) أثناء عملها في مسلسل «خلي بالك من زيزي» ، مضيفة: "أنا بخاف من الأدوية والأمراض النفسية، ولكن عرفت أنى عندى مشكلة بعد تصوير المسلسل".
" width="960" height="1280">الصدمة خلال مهرجان الإسكندرية
أوضحت سلوى محمد علي شعورها بالصدمة خلال مهرجان الإسكندرية عندما فوجئت بالكاميرات، مؤكدة: "كاميرا كانت برا القاعة، واللي جواه القاعة مفروض ينقل اللي فوق المسرح، فجأة لاقيت 20 كاميرا موبايل في وشي واتخضيت".
كما كشفت عن رغبتها الخاصة فيما يتعلق بتوديعها بعد الوفاة، "أنا قولت إني عايزة نعشي يخرج من المسرح القومي، ده تقليد كان موجود طول عمره، لكن غيرت رأي عشان متعبش أولادي في الزحمة".
حياتها اليومية ومبادئها
تطرقت سلوى محمد علي إلى حياتها اليومية ومبادئها، مؤكدة حرصها على الأصالة ومواصلة تعلم الفرنسية: "أنا شبه ستات مصر الأصلية، مش بحب البرندات وبشتري كل حاجة صناعة مصرية. طول عمري نفسي أتكلم فرنساوي".
وعن علاقتها بالمجتمع، قالت: "أنا ست مش بعرف أرد، لكن مافيش مرة رديت غير لما ظلمت شخص.، مضيفة "ولادي فخورين بيا، ودول بالنسبة ليا كفاية".
أشارت سلوى محمد علي إلى خوفها من الشيخوخة وعدم حبها للمرآة: "بخاف من تقدم العمر، ومبحبش أقف قدام المرايا".
