شوبير يوجه رسائل قوية حول الشحات ومجلس الأهلي وتوروب بعد مباراة اليوم

أبدى أحمد شوبير، نجم الكرة المصرية السابق عن رأيه الصريح عبر برنامج الناظر على قناة النهار، بشأن عدد من القضايا داخل النادي الأهلي.
وقال شوبير: "حسين الشحات كل ماتش لازم خناقة، ليه بس؟ إيه الميزة في كده؟ إنت بني آدم طيب وابن بلد، ليه كل مرة مشكلة وخناق؟ أباصي شوف تمريرة، شوط، عرضية والعب كورة وخلاص".

وأضاف: "بقول لمجلس الإدارة متبقوش تحت ضغط وتجيبوا لعيبة وخلاص، إحنا قولنا جراديشار مهاجم كويس ومشي، ومروان مهاجم كويس ولسه جاي وصغير".
وعن استبعاد بعض اللاعبين، قال شوبير: "الغريب إن محمد شريف بره القايمة وإحنا جربناه وعارفينه كويس، وكمان كامويش قالوا بره".
كما علق شوبير على الانتقادات الموجهة للمدير الفني: "وفي حملة عنيفة جدًا على توروب، هو إيه اللي بيحصل؟ إنت بتدي مرتبات كبيرة لكولر وتوروب، والراجل متأهل وفي الصدارة، فين المشكلة؟"
وتوضح تصريحات شوبير حرصه على تركيز الفريق على الأداء والنتائج، بعيدًا عن الضغوط والمشكلات الشخصية أو الانتقادات الإعلامية، مؤكدًا أن النادي يسير في الطريق الصحيح تحت قيادة المدرب الحالي.