بعد أيام من رحيل والده.. أحمد عبد الحميد يعلن وفاة ابنته

أعلن الفنان أحمد عبد الحميد، وفاة ابنته ملاك، عبر صفحته على موقع التواصل الاجتماعي فيسبوك.

وكتب أحمد عبد الحميد، «أنا مش عارف ربنا بيحبنى و لا مش بيحبنى عشان ياخد منى ابويا و بنتى فى اسبوعين.. الله جاب الله خد الله عليه العوض.. لا نقول إلا ما يرضى الله.. إنا لله و أنا اليه راجعون.. بنتى ملاك عند ربنا و جنب ابويا.. أنا مش هقدر حد يكلمنى ولا يعزينى و انا شوية و هبقى كويس ان شاء الله».

وكان رحل الماكيير  محمد عبد الحميد، والد الفنان أحمد عبد الحميد عن عالمنا، يوم 23 ديسمبر الماضي، وذلك بعد صراع مع المرض.

نعى الفنان أحمد عبد الحميد، والده محمد عبد الحميد، عبر صفحته علي موقع التواصل الاجتماعي «فيسبوك»، قائلا: «الصورة دى من أخر عيد ميلاد ليك .. وأنا بتصورها معاك كان قلبى بيقولى ده اخر عيد ميلاد ليك و أخر مرة هقدر أفرحك.. بس ولا أنا ولا انت كنا عارفين ان فرحك جاى وان ربنا هيرزقك البداية الأبدية فى جنته ان شاء الله بوجه مستبشر كدة زى ما كل إلى ودعوك شافوه».

وتابع: «كنت آخر سنين تقولى أنا اتنسيت خلاص يا احمد و لما اقولك فلان بيقولى سلملى على " الأستاذ" تقولى ياااه فيه الخير الحمدلله انه لسه فاكرنى او لسه فكرانى .. لو شفت حب الناس ليك بعد ما مشيت سواء فى خارجتك او فى عزاك او حتى على صفحاتهم هتعرف قد ايه انت كنت عظيم و هتفضل تاريخ و هتفضل سيرتك حلوة و ساترنا طول ما إحنا عايشين».

وأضاف أحمد عبد الحميد: «بس أنا عارف ان كل ده ولا يشغلك دلوقتى يا عم وانت منعم فى جنة الرحمن مع حبايبك كلهم و هو ده عزائى الوحيد ربنا يرحمك يا أطيب قلب و احسن أب و يجعلنى خير خلف ليك و افضل محافظ على اسمك و سيرتك و اخلاقك الى سايبها فى قلوب الناس … أشوفك على خير يا حمادة».