هاني رمزي: الحرب بين طولان وحسام حسن ضيعت المنتخب الثاني

أكد هاني رمزي نجم الأهلي السابق، غياب التنسيق بين حسام حسن وحلمى طولان في المنتخبين أضر بالكرة المصرية وهذا الكلام بعيد عن الاحترافية.

هاني رمزي: الحرب بين طولان وحسام حسن ضيعت المنتخب الثاني

وقال هانى رمزي الذى حل ضيفا على الإعلامي عمر ربيع ياسين في برنامجه "مان تو مان": "المنتخب الثانى تم تكوينه علشان بطولة كبيرة زي بطولة كأس العرب باسم مصر والعوائد المادية اللى ممكن يتم الاستفادة منها، وعلى المستوى الفني انا مش شايف أنه فاد المنتخب الأول بلاعبين لأن متوسط الأعمار كبير جدا، ومخدتش اللاعبين الشباب اللى ممكن تديهم وقت ودقائق".

أضاف نجم الكرة المصرية: "تنسيق نهائي بين حسام حسن وحلمى طولان، منتخبين بيلعبوا باسم مصر مفيش تنسيق بينهم فأكيد مفيش هدف من الاثنين".

وتابع: "أنا ضد أن ندخل أي شيء شخصى في العمل، إحنا في منظومة احترافية يجب أن يكون هناك تنسيق متكامل بين الجميع، لكن الكلام اللى طلع مش هديك اللاعب الفلانى ومش هاخد لاعب منك، دا كلام بعيد عن الاحترافية ومش هيفيد الكرة المصرية".

وأوضح: "المفروض لما نيجي نعمل منتخب ثانى هيشارك في البطولة العربية لأن المنتخب الأول مش هيشارك وقد يكون بعض اللاعبين من المنتخب الأول هيشاركوا مع المنتخب الثانى لتجهيزهم لبطولة أفريقيا".