مريم الباجوري مخرجة "ميد تيرم": كنت حريصة إنهم ما يتكلموش زي جيل التسعينات

أعربت المخرجة مريم الباجوري عن سعادتها بردود الفعل على مسلسل ميد تيرم، الذي يُعرض حاليًا على شاشة ON ومنصة WATCH IT.

وردت مريم الباجوري في مداخلة هاتفية ببرنامج كلمة أخيرة عبر قناة ON تقديم الإعلامي أحمد سالم، على سؤال ما الجديد الذي يقدمه المسلسل عن المسلسلات التي ناقشت نفس فكرة مشاكل الطلبة في الجامعات: “المسلسل بيقدم فكرة مختلفة تمامًا لأن طول لما بنتكلم عن الشباب والجامعة، بتكون مش شبههم، الجيل ده مش تافه، الجيل ده قوي وعنده مشاكله اللي كل يوم بيتحداها ويعديها، وأنا كان نفسي أكلم الشباب دي بطريقتهم، ويتفرجروا عليا زي ما بيتفرجوا على منصات مش عربية، نفسي يشوفوني أنا وأكلمهم بجد وألمسهم بجد”.

لغة الجيل الجديد

وعن تقديم لغة في المسلسل تتطابق مع لغة الجيل الجديد، قالت:"أنا محاطة بالجيل ده، اخواتي الجيل ده وولاد اخواتي ومعانا من الورشة شباب من نفس الجيل، فلما كنا بنحس إننا هنتكلم زي “الميلينيوم” جيل التسعينات، بنبعد على طول، كنت بقولهم عاوزاكم تحسوا الكلمة، وده كان من أهم النقط، لأن أنا مشكلتي مع معظم المسلسلات اللي حاولت تكلم الجيل ده كانوا بيقولوا كلام هما مش بيقولوه، الجيل ده ناضج وزكي.

أبطال مسلسل ميد تيرم

ويُعرض المسلسل من الأحد للأربعاء على شاشة قناة ON وذلك بالتزامن مع عرضه على منصة watch it الإلكترونية، ويشارك في بطولة المسلسل عدد كبير من النجوم الشباب، على رأسهم ياسمينا العبد، يوسف رأفت، زياد ظاظا، جلا هشام، إلى جانب آخرين. والمسلسل من قصة مريم الباجورى ومحمد صادق، وسيناريو وحوار ورشة براح، وإخراج مريم الباجوري.