مروة صبري تهاجم دينا الشربيني وتصفها بـ"خرابة البيوت"

أثارت الإعلامية مروة صبري جدلًا واسعًا على مواقع التواصل الاجتماعي بعد توجيه انتقادات لاذعة للفنانة دينا الشربيني، على خلفية ارتباط اسم الأخيرة بواقعة انفصال فنان شهير عن زوجته، واصفة إياها بأنها "خرابة بيوت".

مروة صبري تهاجم دينا الشربيني

وفي تصريحات خلال برنامجها "قعدة ستات"، قالت مروة صبري:"ضاقت بيكي الدنيا يا دينا، وسيبتي كل رجالة الكون اللي مش متزوجين وروحتي للراجل المتزوج؟ روحتي للراجل اللي بيحب مراته وولاده ومرتبط بيهم! ودي مش أول مرة!، انتِ اسمك طول الوقت مرتبط إنك على علاقة برجالة متجوزين. أي حد بتشتغلي معاه بيطلع إشاعة إنك على علاقة معاه!"

وأضافت:"إنتِ بقيتي تروحي تشوفي مين الراجل المتزوج وتخربي بيته، لدرجة إنك خدتي لقب 'خرابة البيوت'، وقررتي تعيشي معاه قصة حب كأنك في فيلم، من غير مراعاة للزوجة ولأبنائها."

واختتمت صبري حديثها موجّهة رسالة حادة:"مفكرتيش إنك بتبني حياتك على تعاسة وحزن ست تانية؟! مفكرتيش تحطي نفسك مكانها؟ مفكرتيش في بناتها اللي بيشتموك على السوشيال ميديا قدام الناس؟! مفيش حاجة هزتك من جواكي؟!"

مروة صبري تنتقد رحمة محسن أيضًا

في سياق آخر، هاجمت مروة صبري أيضًا الفنانة رحمة محسن بعد نشرها فيديوهات جريئة على مواقع التواصل الاجتماعي، قائلة:
"ليه بتصوروا نفسكم؟ انتو الاتنين في علاقة خاصة ربنا محللها بتصوروا بعض ليه؟ هتستفيدوا إيه؟.. موضة حقيرة".

https://www.youtube.com/watch?v=KU5uLdc3l2I&pp=ygU22YXYsdmI2Kkg2LXYqNix2Yog2KrZh9in2KzZhSDYr9mK2YbYpyDYp9mE2LTYsdio2YrZhtmK