«مش قادرة أكلم زوجته».. فريدة سيف النصر تبكي شقيقها وتكشف سر حزنها العميق

أعربت الفنانة فريدة سيف النصر عن حزنها الكبير وافتقادها لشقيقها الراحل، في منشور مؤثر نشرته عبر حسابها الرسمي على موقع التواصل الاجتماعي فيسبوك، عبّرت فيه عن مشاعرها الصادقة وحنينها إليه بعد رحيله.

 فريدة سيف النصر تكشف سبب عدم تواصلها مع زوجة شقيقها

كتبت فريدة سيف النصر في منشورها:
“واقفل مع بنته يكلمني أخوها، أخلص مع أخوها ألاقي أخوه وبعدين بنته تاني، كلهم بيقولولي قد إيه بيحبني، وعلى طول يوصيهم يسألوا عليّا، كلمت الكل ونحكي عنه كتير، إلا زوجته ماقدرتش أتكلم معاها... لأنها هي بدر، وأنا منهارة، مش قادرة أتحمل أكتر من كده، أنا وهي لا نتحمل، أيوه هي بدر أخويا، لم يكونوا يفترقوا، كانت روحه فيها وهي بتعشقه”.

وأضافت الفنانة:“كانت أصيلة، والحب بان في الشدة، كانت بتعامله كأنه طفل، ترعاه وتدلله وتبتسم له وتدعيله وتسانده وهو صغير الحجم كبيرة القلب، كان عندها أمل مثلي إنه يرجع لها مرة أخرى”.

 فريدة سيف النصر تستعيد ذكرياتها مع شقيقها الراحل

وتابعت فريدة سيف النصر حديثها المؤثر قائلة:“عارفة إن في كلام كتير ماينفعش نتكلمه واحنا مفتقدينه... ياخويا يا بدر البدور، بناتك هايرجعوا بيوتهم، وولادك كل واحد في طريقه، بس هي، زوجتك، هتفضل وحيدة لأنها كانت بتعيش بيك ولك، الله يبارك فيها، أدت كل ما تملك من حب ووفاء”.

واختتمت النجمة منشورها بكلمات حزينة مليئة بالشجن قائلة:
“أما أنا، فكل اللي بطلبه منك يا روح أختك، سيبني شوية، أنا في دنيا غير الدنيا... وجع عيني مع وجع قلبي مش قادره، صوتك وانت بتدعي لي هو اللي عايشني، سلامي لماما وبابا وكل أحبابنا، لا إله إلا الله”.