سما المصري تثير الجدل على السوشيال ميديا بعد نشر رقم هاتفها المحمول

نشرت الفنانة المعتزلة سما المصري فيديو لها عبر حسابها الشخصي على الفيسبوك، وعلقت عليه بكتابة رقم هاتفها المحمول، وقالت: والله دة رقم شغل إعلانات يعني اللي عايزني في إعلان يبعتلي رساله واتس عليه وحياه أمي مفهوش مكالمات افهموا باه، في ناس نفسها تسمع خبر موتي مش فاهمه ليه، وسكوتي عليهم طمعهم فيا بس كل حاجه بأوان ومسيري أقولكم على كل حاجه في ميعادها أدعوا ربنا بس محدش يقتلني.

سما المصري والحجاب

جدير بالذكر أن اخر ظهور لها نشرت سما المصري صور لها بالحجاب وعلقت عليها قائلة: “ماتبصش في رزق حد، مهما تعمل مش هتاخد غير رزقك، ربك كريم بيبدلها دنيا ودايم مين فيها، الحمدلله يارب على كل نعمك عليا كرمك عليا كبييير أنا ما استاهلش عطفك عليا دا كله عشان ياما زعلتك، انت حبيبي ماتزعلش مني حقك عليا، أنا بحبك”.

وكانت قد تعرضت الفنانة سما المصري لانتقادات بسبب ظهورها الدائم ونشرها صور على الفيسبوك بالحجاب، وطالبت سما المصري من جمهورها عدم التنمر عليها، وأكدت أنها تفتخر بالحجاب ولذلك تفضل أن تظهر دائما به.

سما المصري: أتشرف بالحجاب

ونشرت الفنانة سما المصري مجموعة من الصور لها وهي ترتدي الحجاب، "وذلك عبر حسابها الشخصي على الفيسبوك، وعلقت عليها قائلة: أيوة باتعايق بالحجاب، الناس اللي بتهاجمني وبتقولي إني بأتصور بالحجاب وأنزل الصور عشان أتعايق واتفشخر بيه، طبعا يا جماعه باتعايق بالحجاب واتفشخر واتشرف إني لابساه أومال اتعايق بإيه باللبس المسخرة اللي كنت بالبسه؟؟.

وأضافت سما المصري: “يارب كل البنات تلبسه وتتعايق وتتفشخر بيه طالما حاجة حلوة ومحترمة، حاجة حلوة لبساها وزودتني حلاوة واحترام ما اتعايقش بيه ليه؟؟ ليه دايما بنظهر الحاجات الوحشه وبنخفي الحلو؟؟”.

سما المصري: كفاية تنمر

واستكملت: “هو فرض وطهارة ونقاء وكمان بيزود الحلوين حلاوة عشان يبقى مفروض ألبسه واتعايق واتفشخر وافتخر بيه، أداري نفسي وأنا لبساه ليه؟ حد بيداري حاجة بتشرفه؟؟”.

واختتمت سما المصري حديثها قائلة: “هو مشرفني وأنا فرحانة بيه وحلوة وقمر بيه ومنور وشي ليه تمنعوني أظهر الحلو؟ ما ياما ظهرت بالوحش سيبوني من نفسي أظهر بالحلو النضيف، كفايه تنمر باه لو سمحتوا”.