تامر حسني يوجه رسالة تحفيزية لجمهوره: «أنت مش تمثال»

حرص تامر حسني، على تحفيز جمهوره برسالة مؤثرة عن بداية مشواره الفني، التي دعاهم من خلالها إلى كسر قيود الأفكار السلبية ومواجهة التحديات بالعزيمة والإصرار، مستشهدًا بتجربته الشخصية في تخطي الصعاب وتحقيق النجاح رغم الظروف القاسية التي مر بها في بداية حياته.

تامر حسني يوجه رسالة تحفيزية لجمهوره

وكتب تامر حسني، عبر صفحته على موقع تبادل الصور والفيديوهات انستجرام» على مقطع من أغنيته الشهيرة “طول ما أنت مش تمثال”، قال:“حبايبي اللي بيفكروا حالًا، دي رسالة ليكم: قضبان سجن أفكارك السلبية هي من صنعك أنت، محدش حابسك والله، أنت اللي حابس نفسك. مجرد ما تبطل تفكر بشكل يائس، هتقع كل القضبان، وهتخرج من سجنك، وهتنجح، وهتحقق كل اللي نفسك فيه وأكتر.”
 

وكشف تامر حسني، عن تفاصيل من معاناته الشخصية التي لم تمنعه من مواصلة السعي لتحقيق حلمه، قائلًا: “أقسم بالله، قبل ما أنجح، ياما كنت بسمع جمل زي: أنت مستحيل تنجح، صوتك مش هيوصل، مافيكش مواصفات النجم. ده غير الفقر المادي القارص، والتفكك الأسري من سن 7 سنين. يعني إحباط من كل الجوانب، بس عمري ما يأست، ولا سمعت للكلام المُحبط. بالعكس، كان بيحمّسني أكتر، ويزودني عناد للوصول.”

واختتم الفنان رسالته بنصيحة لجمهوره دعاهم فيها إلى اتخاذ خطوات عملية نحو التغيير، قائلًا:“خليكم كده، قوموا اتحركوا، واسعوا. الحياة لا بتحب ولا هتضحك للمستسلم ولو مش عاجبك مكانك في الدنيا؟ غيّره، أنت مش تمثال.”

وتفاعل عدد كبير من متابعي الفنان مع الرسالة، معبرين عن امتنانهم لحديثه الملهم، ومعتبرين كلماته حافزًا لهم لمواصلة السعي وتحدي الظروف.