زي أختي.. مها أمام محكمة الأسرة بعد شهر جواز: مابيعرفش
أمام محكمة الأسرة في مصر الجديدة وقفت مها الفتاة العشرينية ذات القوام الممشوق، تنتظر المحامية الخاصة بها للحضور حتى ترفع دعوى طلاق للضرر بعدما تزوجت لمدة شهر وظلت أنسة دون تغيير.
مها تطلب الطلاق للضرر بعد شهر زواج
سردت مها قصتها أمام محكمة الأسرة، حيث وقفت في البداية ترتدي بنطلون جينز أزرق وتي شيرت أبيض اللون ونظارة سوداء، قائلة «مش عارفة أحكي ايه ولا أقول ايه، ثم خلعت النظارة لتردد وعينيها في الأرض جوزي طلع زي أختي بعد شهر جواز».
وبمجرد مرور دقائق بسيطة كانت المحامية قد وصلت وفي البداية رفضت مها سرد القصة بالكامل إلا أنها بدأت في الحديث قائلة «أنا زي أي بنت كنت بحلم بالجواز ومستنية يكون ليا بيتي وأسرتي وجوزي ومطلبتش كتير حتى في الشبكة طلبت دبلة ومحبس كنت عايزه اتستر».
مها أمام محكمة الأسرة: زوجي لا يصلح
وتابعت مها قصتها أمام محكمة الأسرة قائلة «اللي حصل أني كنت شغالة في شركة سياحة وأنا سني 22 سنة وفضلت فيها 6 سنين، واتعرفت على شاب في الشركة وقربنا لبعض وبعدها اتقدم وطلبني للزواج وفعلا اتخطبت سنة وشهرين».
أكملت مها قائلة «بعد فترة الخطوبة اتجوزنا وبيتنا كان بسيط مفيهوش حاجة أوفر ومطلبتش منه المستحيل، ومكنتش متخيلة اللي حصل معايا بعد الجواز ولا كان عندي شك حتى في تصرفات جوزي أو أنه مش طبيعي بس اللي أعرفه أنه كان مطلق قبل كدة عشان البنت استغلالية».
مها أمام محكمة الأسرة: أخاف ألا أقيم حدود الله
واستكملت مها عن قصتها مع زوجها «يوم الدخلة رجعنا البيت بعد الفرح نمنا عادي ولا كأن في حاجة حصلت وأنا قولت عادي تعبانين ومكنش في دماغي أي حاجة وبعدها سافرنا تاني يوم شهر العسل وقعدنا أسبوع طول الأسبوع مجاش جنبي نهائي».
بعد الأسبوع رجعنا شقتنا وسألته هو أحنا هنفضل كدة وكان رده مش فاهم.. بهذه الكلمات تابعت مها قصتها قائلة «اللي حصل بعد كدة أني اتكلمت معاه وقولت له هو في حاجة فيا أو في حاجة غلط قالي لا خالص وقولت له طيب ايه المشكلة».
مها: عملت كل حاجة ومفيش فايدة
استطردت مها قائلة «بعدها حاولت أعمل كل حاجة باللبس أو بأني مثلا أكون رومانسية لكن مكنش في فايدة وبعد 15 يوم كانت ماما تسألني أقولها تمام لكن أنا مش تمام واتخانقت معاه وقولت له نروح لـ دكتور رفض ورجعت بيت والدتي».
اختتمت مها قائلة «بعد مارجعت البيت الخلافات زادت والأهل أدخلوا وهو زي البارد معملش حاجة وبعدها حاولت ننفصل قالي لا ورفض وقالي عايزة تاخدي كل حاجة زي اللي قابلك وأنا معملتش حاجة، مكنش قدامي غير محكمة الأسرة وجيت أرفع قضية للطلاق».