محمد علي رزق: زعلانين إني بسخر من سلوم حداد وهو بيتريق على المصريين

علق الفنان محمد علي رزق، على تصريحات الفنان سلوم حداد، التي سخر فيها من طريقة نطق بعض الممثلين المصريين للغة العربية الفصحى.

محمد علي رزق يهاجم سلوم حداد 

وكتب محمد علي رزق، عبر صفحته على موقع التواصل الاجتماعي «فيسبوك»، قال: «طب هرد بجد أهو يا جماعة علشان لما إتريقت قولتولي إزاي تسخر من أستاذ سلوم حداد…مع إنه إدى لنفسه الحق إنه يتريق على الفنانين المصريين».

وتابع: «يا أستاذ سلوم حضرتك غلط، فيه فنانين مصريين كتير بيتكلموا لغة عربية فصحى صحيحة مليون المئة، وتقدر تشوف آخر عمل تم تقديمه في مصر باللغة العربية رسالة الإمام، حضرتك تقدر تيجي مصر وتشوف دكتور يحيى الفخراني هو وكل كاست مسرحية الملك لير وهم بيمثلوا باللغة العربية الفصحى». 

أضاف محمد علي رزق، «حضرتك ممكن تنورنا في تعمل جلسة نقاش فني باللغة العربية الفصحى مع أستاذ أحمد ماهر و هو لوحده كفاية عليك حضرتك تقدر تيجي تنورنا و تشوف ستديوهات الدوبلاچ إللي مليانه شباب بتعمل دوبلاچ باللغة العربية الفصحى، حضرتك تقدر تلف على مسارح مصر وأنت تشوف الهواه قبل الأكاديميين ورهما بيمثلوا باللغة العربية الفصحى فياريت حضرتك متتكلمش عن حاجه أنت مش عارفها».

وكان الفنان سلوم حداد، خلال مقطع فيديو متداول له عبر موقع التدوينات القصيرة «X» قال: «الممثلين المصريين عندهم مشكلة في التحدث وإجادة اللغة العربية.. قلّة اللي كانوا يجيدون اللغة زي الراحل نور الشريف وعبد الله غيث».