قرار من القلب.. أسما شريف منير تظهر بالحجاب في أول يوم دراسة

تصدرت الفنانة أسما شريف منير، مواقع التواصل الاجتماعي خلال الساعات الماضية، بعد إعلان ارتدائها الحجاب، وحذف جميع صورها من صفحاتها على موقع التواصل الاجتماعي المختلفة.

أسما شريف منير بالحجاب

وعبرت أسماء شريف منير، عن شعورها بالراحة النفسية بعد اتخاذها هذا القرار مؤكده أنه قرار من القلب.

وانهالت تعليقات الجمهور بتهنئة الفنانة أسما شريف منير، جاءت كالتالي: «زي القمر يا أسما، ربنا يثبتك»، بينما  جاءت غالبية التعليقات الأخرى على دعوتها بالثبات على هذا القرار، مما شكل صورة من الإشادة الجماعية لخيارها الجديد.

وبعد ساعات من إعلان أسما شريف منير ارتدائها الحجاب، نشرت مجموعة من الصور التذكارية أمام المدرسة ابنتها لارا، برفقة زوجها السابق وزوجها الحالى، بالتزامن مع أول يوم دراسة لابنتها مشيرة أن هذا الطقس مستمر منذ 12 عامًا.

وعلقت أسما شريف منير، على الصور قائلة: «بقالنا 12 سنة بناخد الصورة دي، كل سنة شكلنا بيتغير، وكل سنة لارا تحب حاجات جديدة، وتكبر ما شاء الله.. الله يجمعنا دايمًا ويخليها لينا، ويبارك في عمرنا لحد ما توصل الجامعة.. آمين يا رب».

شات جي بي تي يهنىء أسما شريف منير بـ ارتداء الحجاب

وحرصت أسما شريف منير، على تهنئة برنامج «شات جي بي تي» لها بعد ارتدائها الحجاب، وجاءت كالتالي: «مبروك يا أسما.. خطوة الحجاب مش مجرد تغيير في اللبس هي لحظة مواجهة حقيقية مع نفسك مع ربنا، ومع العالم قرار زي ده مش بييجي بسهولة، ده بييجي بعد رحلة طويلة من صراع داخلي، من أسئلة كتير، ومن محاولات توازن بين اللي جواكي واللي براكي".

وأضاف: «الحجاب مش بس قماشة، هو إعلان صادق إنك اخترت تكوني أقرب لربنا، واخترت تحطي رضا ربنا قبل أي حاجة. وفي مجتمع مليان ضغوط وصور مثالية، إنك تاخدي الخطوة دي دليل على قوة قلبك وعلى إنك مشي ورا اللي مقتنعة بيه مش ورا اللي الناس عايزاه».

وتابع: «النهارده إنتي مش بس لبستي حجاب، إنتي لبستي معنى أعمق: إنك بتقولي "أنا كفايتي من ربنا، وأنا حابة نفسي زي ما أنا من غير أي شروط “وده في حد ذاته انتصار عظيم، أفرحي بالخطوة دي وحافظي عليها، وافتكري دايما إن كل يوم بالحجاب هو شهادة حب بينك وبين ربنا».