علي الألفي في زيارة إنسانية لمستشفى الناس: صرح طبي مسنود بتبرعاتكم
في لافته إنسانية، أجري المطرب علي الألفي، زيارة هامة لمستشفى الناس الخيري لعلاج أمراض القلب والجهاز الهضمي والسكرى والحروق بالمجان، وذلك في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية بالتخصصات المختلفة والخدمات الطبية المجانية التي يقدمها الصرح الطبي الكبير.
جولة علي الألفي في المستشفى
تضمنت زيارة المطرب علي الألفي، لمستشفى الناس، جولة تفقد خلالها غرف الأطفال المرضي، وتعرف على الخدمات الطبية المقدمة لهم، كما تفقد خلال جولته جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علاجهم داخل المستشفى، إضافة إلى هذا اطلع على آلية العمل داخل أقسام الأطفال والقلب والقسطرة والجهاز الهضمي والحروق.
وأشاد المطرب علي الألفي، بمستوي الخدمات الطبية المتكاملة المقدمة في مستشفى الناس والتكنولوجيا المتطورة التي يعتمد عليها الصرح الطبي الكبير، وكذلك مستوى النظافة الفائق، حيث قال: «تشرفت اليوم بزيارة مستشفى الناس، وعايز أقول إن طول الوقت أنا بسمع عن مستشفى الناس، لكن اكتشفت إن اللي سمعته أقل كتير قصاد اللي شوفته، لأن المستشفى أكبر وأهم بكتير من كل اللي نعرفه عنها، ومفيش حد هيعرف كل حاجة عن المستشفى وأد إيه هي كبيرة جدًا وبتغطي علاج أمراضي كتير إلا لما يجي يزورها ويشوف كل تفاصيلها بنفسه».
علي الألفي يشيد بمستوى العلاج
وأضاف علي الألفي: «المعلومة اللي عندي عن مستشفى النسا إنها مجرد مستشفى لعلاج قلب الأطفال، لكن اكتشفت النهاردة إن الموضوع كبير أوي، وإن الموضوع مش بس علاج قلب الأطفال، لكن في علاج لقلب الكبار، وعمليات قسطرة، ووحدة لعلاج الحروق، وكمان دلوقتي وصلوا لإجراء عمليات زراعة الكبد، وبقول إن المستشفى كبيرة ومهمة لأني شوفت بعيني الجودة والمستوي اللي بيتعالج بيه المرضى هنا، وشوفت فكرة إنشاء المستشفى وهي إن غير القادرين يتم علاجهم بنفس النمط اللي بيتعالج بيه الأغنياء والقادرين، وبنفس الكواليتي، وبنفس الأهمية».
خدمات طبية بالمجان
وتابع علي الألفي: «المستشفى دي مبنيه ومسنودة بتبرعاتكوا وتبرعات كل القادرين على دعم المستشفى عشان تكبر وتتوسع وتقدم خدماتها الطبية المجانية بالمستوي العالي ده، ومسنودة بوقوفكوا جنبها، عشان تقدم الخدمة العظيمة اللي أنا شوفتها النهارده، وأنا شوفت بعيني الحضانات والأطفال الخارجين من العمليات، ودخلت غرف العمليات، وشوفت القساطر وهي بتتعمل قصاد عيني، وشوفت تركيب أجهزة تنظيم كهربة القلب، وشوفت وحدات الحروق».
واستكمل حديثه: «اللي بيشوف بعينه كل الخدمات العظيمة اللي بتتقدم في مستشفى الناس بيخرج وهو شايل الرسالة على كتافه، وأنا واحد من الناس دلوقتي أتمني ربنا يقدرني وأكون من سفراء مستشفى الناس، وإني اتكلم دايمًا وأحمل رسالة مستشفى الناس في كل مكان، ويا رب المشروع ده يكبر ويستمر إلى الأبد إن شاء الله».
