زوجة رامي صبري في عيد ميلاد ابنيها: أحلى هدية بالحياة
احتفلت شيري عادل، زوجة المطرب رامي صبري، بعيد ميلاد ابنيهما علي وعمر رامي صبري، حيث نشرت صورة تجمعها بزوجها وأولادها وذلك عبر حسابها الشخصي على إنستجرام.
وعلقت شيري قائلة: "زى انهاردة ربنا قرر يهدينى أحلى هدية بالحياة، قرر يسعدنى، عرفت حب جديد حب صعب حد يوصفة أو يشرحة عرفت إزاى ممكن تحب حد أكتر ما تحب نفسك وتتمنى من ربنا إنك تشوفة أحسن منك وكل الدعوات تبقى علشانة وقلبك يفرح لفرحة.
وأضافت: باختصار حد يجيي الدنيا علشان هو يبقى الدنيا بالنسبالك وينور حياتك ويخليها أحلى ومتفتكرش حياتك قبلهم كانت عاملة إزاي ويوم ولادتهم بتكون يوم ولادتك معاهم.
وتابعت: في عيدكم انهارده يا نور عينى بتمنى ربنا يحفظكم ويسعد أيامكم ويخليكم لينا وأشوفكم زى ما أتمنى وأكتر كل سنة وانتو في خير وصحة وعقبال مليون سنة يا أحلى على وعمر".
من ناحية أخرى، وجه رامي صبري، التهنئة للشاعرة الغنائية منة عدلي القيعي بمناسبة حفل زفافها، على الفنان والبلوجر يوسف حشيش.
وعلق رامي صبري عبر خاصية "ستوري" على حسابه الشخصي على موثع التواصل الاجتماعي إنستجرام: “ألف مبروك يا منه يا قمر ربنا يوفقك في حياتك أنت وعريسك الجميل واعذريني على عدم وجودي”.
