جراحة ناجحة لـ إمام عاشور بعد اصابته بكسر في الترقوة أمام انتر ميامي

خضع إمام عاشور، لاعب خط وسط النادي الأهلي، لجراحة ناجحة قبل قليل في أحد مستشفيات مدينة ميامي الأمريكية.

 وكان عاشور قد تعرض لكسر في عظمة الترقوة خلال مباراة الأهلي ضد إنتر ميامي الأمريكي، التي أقيمت في افتتاح كأس العالم للأندية وانتهت بالتعادل السلبي.

وكتب إمام عاشور عبر انستجرام: «ما قدر الله لك فهو آت إليك، وما لم يقدره لك فلن يصيبك».

وأضاف: «الحمد لله على كل شيء الإصابة كانت صعبة وجت في أول لحظات ليا في البطولة، وده قدر ربنا ولازم نرضى بيه، كان نفسي أكون موجود وأقاتل مع إخواتي في الملعب، بس دا نصيبي ودلوقتي داخل اعمل العملية، وإن شاء الله أرجع أقوى».

وتابع: «الإحساس اللي جوايا دلوقتي مش سهل، بس اللي مخليني ثابت هو إيماني بدعمكم ودعواتكم، المرحلة دي محتاجة منكم تبقوا ورا كل لاعب في الفريق، سواء قديم أو جديد، كلهم بيلعبوا بقلبهم وبيحبوا النادي وبيخافوا عليه».

واختتم: «صدقوني دعمكم بيفرق جدًا، واللاعيبة مستنياكم زي ما دايما واقفين في ضهرنا».