برسالة قوية.. أسما شريف منير ترد على المتنمرين (تفاصيل)

شاركت الإعلامية أسما شريف منير، منشورا  عبر حسابها الرسمي على موقع  “إنستجرام”، وجهت من خلاله رسالة للمتنمرين عليها.

وقالت  أسما شريف منير:"لكل شخص شتمني، تنمّر عليّا، أو أساء الظن بيّا،أنا مش بزعل، ومش باخدها على قلبي… مش لأني ما بحسّش، لكن لأني تعلّمت إن القلوب اللي فيها نور، بتعفو، وبتعدي، لأن ربنا قال: والكاظمين الغيظ والعافين عن الناس والله يحب المحسنين".

أسما شريف منير: اخترت أبقى من الناس اللي ربنا يحبها

وأضافت: "أنا اخترت أبقى من الناس اللي ربنا يحبها، مش هرد إساءة بإساءة، ولا كلمة بكلمة ربنا أمرنا نكون أرقى، حتى قدام الظلم: “ولا تستوي الحسنة ولا السيئة، ادفع بالتي هي أحسن".

وتابعت: "اللي بيني وبين ربنا عمره ما كان محتاج شهادة من بشر، واللي بيظن السوء، ربنا قال عنه:“يا أيها الذين آمنوا اجتنبوا كثيرًا من الظن، إن بعض الظن إثم".

وواصلت:"أنا مسامحة من قلبي، مش ضعف…لكن قوة إني ما أخليش الحقد والزعل يسكن في قلبي.. وسايبة كل حاجة لربنا.. لأنه قال: فمن عفا وأصلح فأجره على الله".

وأكملت:"أنا عندي رسالة أمل، وبدعي من قلبي إن ربنا يكرم كل ست، ويشجعها تتجوز وتبدأ من جديد من غير ما تخاف من المجتمع، ولا من نظرات الناس اللي كده كده الناس بتصطاد الأخطاء، ربنا يعفينا منهم ولا من الكلام اللي بيقول: “مريضة”، “مستفزة”، “بجحة”، وكلام كتير مالوش لازمة. كله اتبدل بحسنات، ربنا هو اللي بيختار ويعوض… مش الناس".