الدموع تملأ عيون شباب وأطفال من أمام محكمة دمنهور: «حق ياسين لازم يرجع»
شهدت ساحة محكمة جنايات دمنهور بمحافظة البحيرة، صباح اليوم الأربعاء توافد العشرات من المواطنين لدعم أسرة الطفل ياسين تلميذ مدرسة الكرمة خلال أولى جلسات محاكمة المتهم بالتعدي عليه داخل المدرسة.
وتجمع الأهالي أمام المحكمة مرددين هتافات داعمة للطفل وأسرته، مؤكدين وقوفهم الكامل معهم في معركتهم من أجل استعادة حق ياسين وقال أحد الحاضرين "احنا جايين ندعم الطفل ياسين، لأنه ابننا كلنا، واللي حصل معاه مينفعش نسكت عليه".
وأضاف أحد المواطنين: "وجودنا النهارده مش بس عشان ياسين، لكن عشان نرفض أي اعتداء على أطفالنا.. إحنا هنا عشان نقول إن حق ياسين لازم يرجع، وإن أي طفل في البلد دي ليه حماية وكرامة".
من جانبها ناشدت صديقة والدة الطفل ياسين بعدم تصويره خلال التواجد في المحكمة، قائلة: "أم ياسين مش هتسامح في حقه ليوم الدين.. وياسين حالته النفسية تعبانة جدًا، وبناشد الناس تقف جنبنا وترحمنا من التصوير".
فيما أشار أحد الأهالي المتضامنين إلى أن القضية تمس كل بيت مصري، موضحًا: "اللي حصل اعتداء على براءة الأطفال، ودي جريمة لازم يكون ليها رد حاسم. بنطالب بأقصى عقوبة للمتهم، وياسين مش لوحده".
وتواصل محكمة جنايات دمنهور نظر القضية، وسط متابعة شعبية واسعة وتعاطف كبير من الرأي العام، في انتظار ما ستسفر عنه التحقيقات والإجراءات القضائية.
