مخليني مش قادرة أحب.. ملك زاهر تحتفل بعيد ميلاد والدها والفنان يرد

احتفلت الفنانة ملك زاهر، بعيد ميلاد والدها الفنان أحمد زاهر، عبر صفحتها على موقع تبادل الصور والفيديوهات «انستجرام».

ونشر ملك أحمد زاهر، مقطع فيديو بصور مختلفة مع والدها تظهر مدى علاقتهم وحبهم وعلقت عليه قائلة: «كل سنة وأنت الحب الأول والأخير كل سنة وأنت مخليني مش قادرة أحب ولا أختار حد بسهولة، عشان أنا مصرة إن يوم ما حد يدخل حياتي، يبقى نسخة منك.. وإنت مفيش زيك أصلاً! كل سنة وإنت أحلى، وأحن، وأعظم أب شافته عيني».

تابعت: «أنا أسعد بنت و اكتر بنت فخورة انك ابوها.. كل سنة وإنت صاحبي اللي بحكيله كل حاجة من غير خوف، وحبيبي اللي عمري ما هلاقي زيه.. كل سنة وإنت أغلى وأهم نعمة في حياتنا.. ربنا يحفظك لينا ويطول في عمرك يا أحلى وأحن وأجمل زيزو في الدنيا.. بحبك قد الدنيا وما فيها».

ومن جانبه، رد أحمد زاهر، على هذه المعايدة قائلا: «وأنتِ طيبة يا روح قلبي يا حبيبتي وصاحبتي وبنتي، يا أول فرحة شافتها عيني يا أغلى هدية ربنا أنعم عليا بيها يا أحن وأطيب وأجمل وأجدع وأشطر بنوتة في الدنيا بحبك يا ملوكتي يا قمر».