عضو مجلس الأهلي عن الموارد: لا عجز حقيقي والنجاحات تؤكد قوة المنظومة

أعاد محمد الدماطي، رجل الأعمال وعضو مجلس إدارة النادي الأهلي، الحديث عن ملف موارد النادي، في ظل الجدل المُثار مؤخرًا حول الوضع المالي ومطالبة كثيرين بالكشف عن حقيقة الموارد، موضحًا ذلك عبر منشور على صفحته الرسمية على “فيسبوك”.

وقال “الدماطي” في منشوره: "في ظل الكلام الكتير المنتشر عن موارد النادي الأهلي، ورغم إنّي عارف إن بعض المنافسين مش هايصدقوا مهما شرحت، حابب أوضح تاني: التصريح اللي قلته واللي في ناس شايفاه دليل إدانة، هو في الحقيقة توضيح مهم."

وأضاف: "قلت إن عندنا عجز دولاري، وده طبيعي في ظل الظروف الاقتصادية اللي بتمر بيها البلد، لكن عندنا في المقابل فائض بالجنيه المصري، ودورنا ببساطة هو إيجاد وسائل لتحويل الفائض ده إلى دولار، مش أكتر. يعني مفيش عجز حقيقي."

وتابع: "بعد التصريح ده، وبتوفيق من ربنا، الأهلي شارك في كأس العالم للأندية، وتم الإعلان عن الجوائز المالية، وده إنجاز كبير. علشان كده، بطلب بكل احترام إننا نقدّر حجم الشغل اللي بيتم من كل فرد داخل منظومة النادي الأهلي وشركاته."