شوبير: «إبراهيم فايق موهوب ومينفعش يكون منافس ليا وباعتبره ابني»

أكد الإعلامي أحمد شوبير، أن 90% من الإعلاميين الرياضيين الموجودين على الساحة الرياضية هو الذي خرّجهم من خلال برامجه، قائلا: "أنا اللي طلعت إبراهيم فايق ومهيب عبد الهادي وغيرهما من أسماء كبيرة وفي ناس شالت الجميل ومحترمة ومش لازم يكون مذيع".

وأوضح أحمد شوبير، خلال حواره ببرنامج "أسرار"، مع الإعلامية أميرة بدر، المذاع على قناة النهار، أن الشخصيات التي حفظت جميلة لا يشترط يكونوا مذيعين ممكن مخرج وممكن مونتير، قائلا: "في ناس دايما يطلعوا يتكلموا عليا بكل حب واحترام وناس بتنسى وأعطي الفرصة على أساس الموهبة".

وتابع: "شفت من ابراهيم فايق إنه ممكن يطلع منه حاجة وهو موهوب رغم أنه مش بيجيب سيرتي خالص وأنا أول واحد طلعت ابراهيم فايق وممكن أزعل منه وهو في الآخر ابني لكن لو حصل له حاجة وحشة هكون أول واحد جنبه وزعلان منه كأب وهو مينفعش يبقى منافس بالنسبة لي لأنه ابني وفي حد دخل في دماغه حكاية المنافسة وأحب ما عليا يكون رقم واحد".