بعد إنكاره عذاب القبر.. شريف مدكور يخرج عن صمته ويهاجم منتقديه (إنفوجراف)

خرج الإعلامي شريف مدكور، للرد على منتقديه بعد تصريحاته الأخيرة التي أنكر فيها وجود عذاب القبر، وذلك بعد استشهاده بـ الآية الكريمة «كل نفس ذائقة الموت وإنما توفون أجوركم يوم القيامة».

وكتب شريف مدكور، عبر صفحته على موقع التواصل الاجتماعي «فيسبوك»، أنه يحق له الحديث في الدين كما يريد، موضحًا أنه يبحث كل يوم في الدين لكي يزود إيمانه ويقينه بالله، قائلا، «أنا اتكلم في الدين براحتي وأقول اللي أنا عاوزه، مادام مش بكفر حد، والحاجة الوحيدة اللي مش من حق مخلوق يقولي متتكلمش فيها هي ديني علي الأقل أنا ببحث وبجتهد علشان أزود إيماني ويقيني والله أعلم».

وأضاف، «أنا مش خروف همشي ورا كلام حد، كل واحد يلم نفسه على الأقل أنا مش بتاجر ولا بعمل سبوبة من ديني، وربنا عارف نيتي وهو اللي بيحاسب في الآخر، ورجاء محدش يدخل علي الخاص ويكتبلي إن الدين ده دراسة وعلم، خلي كل واحد في نفسه، أرجوكم والناس اللي عماله تضحك علي الكلام أنتم عيال قوي علشان مفيش في الكلام حاجة تضحك».