بعد إنكاره عذاب القبر.. شريف مدكور لمنتقديه: «أنا مش خروف»

علق الإعلامي شريف مدكور، على الهجوم الذي تعرض له في الساعات الماضية، بعد تصريحاته المثيرة التي أنكر فيها وجود عذاب القبر، وذلك بعد استشهاده بـ الآية الكريمة «كل نفس ذائقة الموت وإنما توفون أجوركم يوم القيامة».

شريف مدكور يثير الجدل بعد إنكاره عذاب القبر

وكتب شريف مدكور، عبر صفحته على موقع التواصل الاجتماعي «فيسبوك»، أنه يحق له الحديث في الدين كما يريد، موضحًا أنه يبحث كل يوم في الدين لكي يزود إيمانه ويقينه بالله.

وعلق قائلا، «أنا اتكلم في الدين براحتي وأقول اللي أنا عاوزه، مادام مش بكفر حد، والحاجة الوحيدة اللي مش من حق مخلوق يقولي متتكلمش فيها هي ديني علي الأقل أنا ببحث وبجتهد علشان أزود إيماني ويقيني والله أعلم».

وتابع شريف مدكور مشنوره قائلا، «أنا مش خروف همشي ورا كلام حد، كل واحد يلم نفسه على الأقل أنا مش بتاجر ولا بعمل سبوبة من ديني، وربنا عارف نيتي وهو اللي بيحاسب في الآخر، ورجاء محدش يدخل علي الخاص ويكتبلي إن الدين ده دراسة وعلم، خلي كل واحد في نفسه، أرجوكم والناس اللي عماله تضحك علي الكلام أنتم عيال قوي علشان مفيش في الكلام حاجة تضحك».

شريف مدكور يثير الجدل لهذا السبب

وفي نفس السياق، كتب شريف مدكور، على صفحته على «فيسبوك»، قائلا، «كل نفس ذائقة الموت وإنما توفون أجوركم يوم القيامة»، قال يوم القيامة ولم يقل وإنما توفون أجوركم في القبر أو يقول وإنما توفون بعض أجوركم في القبر أو يقول وإنما ستتعرفون على مقاماتكم في القبر، هذه الآية الكريمة الصريحة والواضحة تؤكد وتبين لكل من يتدبر القرآن أنه لا يوجد أي شيء في القبر».