الإعلامي جميل سعيد يثير جدلًا بعد تصريحه عن خيانة الرجل (فيديو)

أثار الإعلامي سعيد جميل، جدلًا واسعًا بعد تصريحاته مع الإعلامية رضوى الشربيني، حيث حلّ ضيفًا على برنامجها «هي وبس»، المذاع على قناة CBC سفرة؛ وذلك لمناقشة جانب المشاكل الزوجية والعاطفية بين الرجل والمرأة.

وعند سؤال سعيد عن رأيه في خيانة الرجل، قال: «فيه كلمات تقليدية زي الراجل خاين بطبعه والست نكدية، ومينفعش نطلق الأحكام عامة، الخيانة درجات».

رضوى الشربيني ترد

لترد عليه رضوى الشربيني، قائلة: «لو الراجل خان يبقى الباب يفوت 100 جمل.. فيه 7 بليون راجل على الكرة الأرضية هنلاقي راجل مش خاين لأن مش كلهم خاينين الست مش نكدية البخل يعدي أي حاجة تانية تعدي إلا الخيانة، ليجيبها سعيد: ليه بننزل في أول محطة ومش بنكمل باقي الخط؟ ليه أول محطة غلط بننزل ديه أول خيانة لسه؟».

وعبّر سعيد جميل عن مشكلة فتاة تنزعج من متابعة الرجل للسيدات المارة بعينيه، ليرد قائلًا: «مش معنى إني ببص على واحدة تانية يعني مبحبكيش ومبحترمكيش.. الراجل بيحب يشجع اللعبة الحلوة ويشوف التفاصيل الجميلة، ولكن البصة متكملش أكتر من 30 أو 40 ثانية، مفيش راجل مبيبصش، بس فيه راجل اتقفش وفيه راجل لا، احنا مش زي بعض ومش متساويين، الست عندها حاجات تانية بتعملها والراجل بيسبها».

جميل سعيد ورضوي الشربيني

وأضاف: «ولو اتضايقت الست لازم تلفت نظره ولو هي حساسة المفروض ميزعلهاش، وهتبقى مشكلة كبيرة لو لم ينصاع»، أما عن المقارنات المنعقدة بين التجارب العاطفية، تابع سعيد جميل: «حياتنا زي بصمة الصباع مش متطابقة، فمينفعش نبدل تجاربنا مع بعض».

كما عرضت رضوى الشربيني مشكلة فتاة تعاني مع زوجها بسبب حديثه الجيد بشكل زائد عن الحد مع زميلاته في العمل، ليرد الإعلامي سعيد جميل مازحًا: «حطيله بلاستر وهو نازل او تلبسه خوذة وتقفلها بمفتاح.. إيه اللي فيها؟».

وفي ختام الحلقة، قال سعيد جميل: «الراجل اللي مسئول عن الأسرة بكل تفاصيلها بيخاف جدًا يصرف ما في الجيب؛ لأنه ميعرفش ما في الغيب».