تنفيذ الوصية، صلاة الجنازة 3 مرات على الراحل تامر ضيائي (فيديو)

جنازة الفنان تامر ضيائي، شيعت عصر اليوم من مسجد السيدة نفيسة، وسط حضور مجموعة من نجوم الوسط الفني، ومن بينهم نقيب المهن التمثيلية أشرف زكي.

وحضر عدد كبير من نجوم الفن و شخصيات عامة، جنازة الفنان الراحل تامر ضيائي، كما شهدت الجنازة انهيار زوجة الراحل؛ و مساندة الجميع لها خلال مراسم الجنازة، وحرص المعزون على تنفيذ وصية الراحل، التي كانت تنص على أن يتم الصلاة عليه ثلاثة مرات.

تامر ضيائي و تريند جوجل 

وتصدر الفنان الراحل تامر ضيائي، محركات البحث عبر وسائل التواصل الاجتماعي، خلال الساعات الماضية، وذلك بعد رحيله بشكل مفاجئ عن عمر ناهز الـ50 عامًا.

وحسب معلومات متداولة، فإن وفاة ضيائي، كانت نتيجة مشاجرة حدثت مع أحد أفراد أمن إحدى المستشفيات بالتجمع الخامس، أثناء اصطحابه زوجته لتلقي جلسة العلاج الكيماوي، ما أدى إلى تبادل صفعات بين الطرفين، ليسقط تامر ضيائي مغشيًا عليه حتى وفاته.

تصريحات أشرف زكي عن تفاصيل وفاة تامر ضيائي

وقال أشرف زكي، خلال تصريحات خاصة لـ «الجمهور»، أن مشاجرة حدثت مع أحد الأشخاص أثناء تواجد الفنان تامر ضيائي مع زوجته وهي تتلقى العلاج في أحد المراكز الطبية.

وكان الفنان محمد علي رزق، أعلن وفاة الفنان القدير تامر ضيائي، عبر صفحته على موقع التواصل الاجتماعي «فيسبوك».

وكتب محمد علي رزق، قائلًا: «لا حول ولا قوة إلا بالله، صديقي وأخويا الكبير عشرة عمري تامر ضيائي في ذمة الله، ربنا يرحمك يا تامر ويجعلك من أهل الجنة، ويعوضك عن تعبك في الدنيا، نسألكم قراءة الفاتحة والدعاء له بالرحمة والمغفرة».

وكتب الفنان تامر ضيائي، يوم 12 مايو 2024، “الحقيقة اللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده، لأني محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد”.

واستكمل ضيائي، ودي وصيتي:

١) صلاة الجنازة أهم من العزاء وهي اللي كل ما العدد زاد كل ما ثوابي كان أكتر، فأرجوكم تصلوا عليا.

٢) مش شرط تيجي العزا، وياريت لو اتعمل في البيت أو مكان بسيط بفلوسه تطلعوا لي صدقة جارية أفضل.

٣) من فضلكم لم يثبت أو يتفق عليه عمل خاتمة قرآن للمتوفي إنها هتوصل له، بس مثبت إن الدعاء والصدقة بيوصلوا للميت، فرجاء دي بالذات بلاش وإدعوا لي الوقت اللي هتقرأوا فيه جزء، فضوا نفسكم واقعدوا ادعوا فيه.

٤) بلاش صدقة جارية تقليدية وسهلة ومش مستفاد بيها، يعنى المصاحف كتير في مصر أوى، وكل بيت فيه كتير، فممكن نحط الفلوس في جامع بيتبنى أو كرسي متحرك في مستشفى يستفادوا به المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة.

٥) دى نقطة مهمة أوي بالنسبة ليا .. محدش يقول لحد بتعيط عليه ليه، ومتعيطش عشان هو بيتعذب!! الكلام ده غلط، سيبوهم يعيطوا لحد ما يطلعوا كل الشعور اللي عندهم، ومفيش حاجة بتقول إن العياط معناه عدم رضا بقضاء ربنا "وأبيضت عيناه من الحزن فهو كظيم".

٦) أهم حاجة تاني هي الدعاء وبس والصدقة.

٧) من فضلكم تكثفوا الدعاء وقت نزول القبر وتتصدقوا بأي حاجه بنية إن ربنا يجعل قبري روضة من رياض الجنة ويثبتنى عند السؤال لأن ده أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسوني في ليلة زي دي.

٨) الموت علينا كلنا حق وإحنا كلنا أمانات ربنا وهيردنا تاني، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تاني.

٩) اللي بيحبوني يدعولى كتير عشان لو مفيش حد يدعيلي.

١٠) ودى مهمة أوي أوي أوي عاوز الكل يسامحني على أي حاجه عملتها فيه بقصد لو يدون قصد"

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.