مهند لاشين: فخر أولادي بي يساوي الدنيا كلها.. وكل أب بيكافح من أجل هذه اللحظة
أكد مهند لاشين، لاعب منتخب مصر ونادي بيراميدز، أن رحلة الكفاح من أجل الأسرة ليست حكرًا على لاعبي كرة القدم، وإنما هي قصة يعيشها كل أب يسعى لتوفير حياة كريمة لأبنائه، مشيرًا إلى أن أعظم مكافأة بالنسبة له كانت سماع كلمات الفخر من نجليه بعد مشاركته الأخيرة.
وقال لاشين، خلال تصريحات تليفزيونية: الموضوع مش مهند لاشين بس، أي راجل شغال في أي مصنع، وأي واحد غلبان في الشارع، وأي شخص بيسعى يكفي بيته ويحس بفخر في عيون ولاده لما يرجع لهم البيت، الموضوع ده مش عندي أنا بس.
وأضاف: أنا بحمد ربنا على المجال اللي أنا فيه، لكن فيه ناس بتتعب أكتر، وفيه ناس بتعاني أكتر عشان توفر حياة كريمة لعيالها.
وكشف لاعب منتخب مصر عن أكثر لحظة أثرت فيه، قائلًا: "قبل ما أركب الطيارة وأرجع على مصر، ابني وبنتي كلموني وقالولي: إحنا فخورين بيك، ودي عندي بالدنيا كلها.
واختتم لاشين تصريحاته برسالة مؤثرة عن مسؤولية الأب تجاه أسرته، مؤكدًا: إحنا كرجالة ممكن نضيع عمرنا كله عشان نحس إن ولادنا فخورين بينا.
