يسرا اللوزي عن علاقتها بابنتيها: بحاول أوريهم ضعفي لما بكون منهارة وبعيط

تحدثت الفنانة يسرا اللوزي عن علاقتها بابنتيها وكيف تتعامل معهما، وذلك خلال لقائها مع الإعلامي أحمد سالم في برنامج "كلمة أخيرة" عبر قناة ON

وقالت يسرا اللوزي:"بحاول أعلمهم إزاي يحسوا بيا، بحاول اوريهم ضعفي يشوفني وأنا بعيط ومنهارة وتعبانة من التصوير ومش قادرة أقوم علشان بقالي يومين صاحية بدأوا مؤخرًا يفهموا أنهم يدوني مساحة، لأن في وش تاني بيظهر غصب عنك، الوش ده فيه زعيق كتير.. الواحد لما يكون مش نايم ومتوتر مابيكونش أحسن نسخة من نفسه وأنا مش عاوزة أرويهم النسخة دي فبقرر أني أبعد".

الخبرة في الأمومة

وأضافت يسرا اللوزي: “زمان مكانش عندي الخبرة دي، زمان كان غصب عني ممكن اتعصب ومش عاوزة يجيلهم تروما أنا بفضل استحمل وبعدين افرقع، فرقعت قدامهم مرتين واتخضوا فاتكلمت مع الدكتورة بتاعتي قالت لي قبل ما توصلي المرحلة دي ابعدي، وارجعي لهم علشان يكون عندهم ذكريات كويسة”.

التوازن في الحياة

وأشارت يسرا اللوزي إلى أن هذا الجيل لديه وعي أكثر بكثير من الأجيال السابقة: “الجيل ده عنده وعي أكتر من جيلنا وإحنا صغيرين، الجيل ده بياخد باله من تفاصيل كتير، دلوقتي بنخاف نحور على العيال إحنا كنا بنصدق أي حاجة بتتقال".

وأكملت:" أنا بحاول أعلم بناتي إزاي نعمل توازن في حياتنا، إزاي يشوفوا قدامهم حد مهتم بشغله وبيعمل حاجة بيحبها، وفي نفس الوقت بيقسم وقته ما بين الشغل والعيلة، وأنا بعمل ده، علشان يتعملوا أنه لازم يعملوا حاجة بيحبوها”.