"كنت تحت تأثير الآيس.. وخططت أخطفه" اعترافات صادمة لسائق توكتوك إمبابة

في اعترافات تفصيلية أمام رجال المباحث بقسم إمبابة، أدلى سائق التوكتوك المتهم بمحاولة خطف طفل من ذوي الهمم، بأقوال صادمة كشفت دوافعه وتفاصيل جريمته.

إعترافات المتهم 

وقال المتهم "أنا كنت شغال على التوكتوك يومها، وكنت واخد جرعة آيس ومش في وعيي الكامل.. لما الست ركبت معايا ومعاها طفلين، لاحظت إن الطفل الكبير من ذوي الاحتياجات الخاصة."
وأضاف:
"الفكرة جت في دماغي فجأة.. لما نزلت الأم وهي شايلة الطفل الصغير، استغليت اللحظة وزقيتها وجريت بالتوكتوك وأنا عارف إن الطفل لوحده."
وتابع باعترافاته:"كنت ناوي أخطفه وأبعد بيه علشان أعمل فيه حاجة غلط.. مكنتش مركز ولا فاهم أنا بعمل إيه بسبب المخدر."
واستكمل:"اتفاجئت بالناس بتجري ورايا وبتصرخ.. حاولت أهرب بس معرفتش، وقفوني وضربوني لحد ما الشرطة وصلت."
واختتم المتهم أقواله:"أنا غلطت ومكنتش في وعيي.. والمخدر هو اللي ضيعني وخلى دماغي تروح في السكة دي."
وتواصل النيابة العامة التحقيق في الواقعة، بعد أن قررت حبس المتهم 4 أيام على ذمة التحقيقات، مع طلب تحريات المباحث حول ملابسات الحادث.