سيد معوض ينتفض .. "الأهلي بيقدم ولا حاجة.. وشخصية الفريق ضاعت"

عبّر سيد معوض، لاعب النادي الأهلي السابق، عن صدمته الكبيرة من مستوى الفريق، مؤكدًا أن الأداء الحالي لا يليق باسم القلعة الحمراء، وذلك في تصريحات تليفزيونية عقب تراجع النتائج.
وقال معوض: "أنا مصدوم من الفرقة، إحنا بنقدم ولا حاجة، في أوقات محتاج شخصية اللاعب، محتاجها في الظروف الصعبة".
وأضاف: "أنا مشوفتش لاعب عنده شخصية باستثناء محمود حسن تريزيجيه، واللاعيبة دي ضيعتلك شخصية وهيبة النادي".

تراكم الأخطاء.. أزمة ممتدة لسنوات

وأوضح معوض أن ما يمر به الأهلي حاليًا ليس وليد اللحظة، بل نتيجة تراكمات استمرت لعدة سنوات، مؤكدًا أن الأخطاء الإدارية والفنية تكررت دون تصحيح حقيقي.

وتابع: "المشكلة إن الأهلي كان بيغلط وعمال يكمل في الغلط، اللي حصل الموسم ده بسبب غلطات كتير في آخر 3 سنين، فحصل تراكم".

وأشار إلى أن هناك حالة من "التنويم" داخل النادي، عبر تكرار وعود الإصلاح دون تنفيذ فعلي، قائلًا: "كان بيتقال الفرقة محتاجة اتنين تلاتة لعيبة وهتتظبط، أو يناير جاي وهنظبط، الكلام ده قدم، ولازم الأهلي يبني صح ويبقى عارف هو عايز إيه".

رسالة للجماهير: "إحنا ورا اسم الأهلي مش اللاعيبة"

وأكد معوض تمسك جماهير الأهلي بدعم النادي في كل الظروف، بعيدًا عن النتائج أو أداء اللاعبين، مشددًا على أن الانتماء الحقيقي يكون للكيان.

وقال: "أنا رايح الاستاد الماتش الجاي أشوف الفرقة في الملعب، إحنا مش بنشجع الأهلي عشان يكسب، إحنا وراه سواء كسبانين أو خسرانين".

واختتم تصريحاته برسالة واضحة: "إحنا مش رايحين للاعيبة، إحنا رايحين لاسم النادي الأهلي".

تصريحات سيد معوض تعكس حجم الغضب داخل البيت الأهلاوي، وتفتح الباب أمام تساؤلات كبيرة حول ضرورة إعادة بناء الفريق من جديد، واستعادة شخصية الأهلي التي طالما ميّزته عبر تاريخه.