مع بداية الصيف … 5 طرق فعالة للاهتمام بالبشرة الدهنية

مع حرارة الصيف، بتزيد معاناة أصحاب البشرة الدهنية بسبب زيادة إفراز الزيوت، وده بيؤدي لظهور اللمعان والحبوب وكمان انسداد المسام. علشان كده، العناية بالبشرة دي لازم تكون بطريقة متوازنة، تنظفها من غير ما تضرها أو تزيل زيوتها الطبيعية بشكل مبالغ فيه.

ويستعرض موقع الجمهور الإخباري في السطور التالية  طرق بسيطة وطبيعية ممكن تساعدك تهتمي ببشرتك الدهنية:  ووفقًا لما نُشر في موقع «تايمز أوف إنديا»، 

طرق طبيعية للبشرة الدهنية 

1- ماسك العسل والليمون

العسل بيرطب البشرة من غير ما يرفع الدهون، والليمون بيساعد على تقليل الإفرازات الدهنية. اخلطي ملعقة عسل مع شوية نقط ليمون، واتركيه على وشك من 10 لـ 15 دقيقة، ثم اغسليه بمياه فاترة.

2- ماسك الزبادي

الزبادي يحتوي على أحماض طبيعية بتنضف المسام وبتحسن شكل البشرة. ضعي طبقة خفيفة على الوجه لمدة 10 دقايق، ثم اغسليه، ويمكن تكرريه مرتين في الأسبوع.

3- ماء الورد

ممتاز كتونر طبيعي، قومي بإستخدامه بقطنة بعد غسل الوجه، لأنه بيساعد على تقليل اللمعان وشد المسام.

4- ماسك الطين

من أفضل الحلول للبشرة الدهنية، لأنه بيمتص الدهون الزائدة. قومي بخلطه مع مياه أو ماء ورد، واتركيه الي ان  ينشف، ثم يغسل، يكفي استخدامه مرة واحدة في الأسبوع.

5- الشاي الأخضر

بعد ما يبرد، ممكن تستخدميه كغسول للبشرة، لأنه بيهدّي الالتهابات وبيقلل الحبوب.