مجدى عبد الغنى : توروب يستاهل الشتيمة ..ولو أنا مسئول في الاهلى همشيه

يري مجدى عبد الغنى نجم الاهلى ومنتخب مصر الأسبق أن الدنماركى ييس توروب المدير الفني للنادى الاهلى يستحق الرحيل عن منصبه.

وقال مجدى عبد الغنى الذى يحل ضيفاً على برنامج "النجوم في رمضان" :" انا طلعت في فيديو شتمت توروب وهو الحقيقة يستاهل الشتيمة ، مش دا مدرب الاهلى ، مش عايز حتى يثبت نفسه"

وتابع البلدوزر:"لو كنت مسئول في الاهلى كنت همشيه بس القصة هندفع كام شرط جزائى عشان القرار دا ، الاهلى بيدفع مرتبات لاعبين ومدربين كتير وهما قاعدين في البيت"

ويضيف مجدى عبد الغنى:"انا مبروحش الاهلى خالص ، معنديش وقت ومحبش اروح مكان مش مرتاح فيه ، انا نجم كبير في الاهلى غصب عن التخين ومش بيتم دعوتى لاي مناسبة ودا تقصير من المسئولين وبيقلل منهم ويقزمهم مش منى انا ، ببعت حد بس يجدد الاشتراك وخلاص".