أحمد صبور: والدتي نجوى القوصي كانت ست عظيمة
كشف المهندس أحمد حسين صبور، الدور الكبير الذي لعبته والدته الراحلة نجوى القوصي في مسيرة والده الراحل الأستاذ حسين صبور: "ماما ست عظيمة، حقيقي ست عظيمة جدًا. أي حاجة إحنا فيها النهاردة لها فضل كبير جدًا، سواء من نجاح بابا أو من اللي أنا وعمر صبور وولادنا فيه النهاردة".
وأضاف في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار": "كانت واقفة جنبه ومعاه في المكتب، شريكة وعضو مجلس إدارة ومسؤولة عن أجزاء كبيرة من الشغل، وكنت بشوفها وهي بتشتغل وبتحل مشاكل المكتب للآخر".
بداية السيدة نجوى القوصي المهنية
وأشار أحمد صبور إلى أن والدته كانت موظفة في الحكومة بشركة مصر الجديدة للإسكان والتعمير قبل أن تنضم لمكتب والده: "في الأول قعدت في البيت سنتين أو تلاتة تاخد بالها من عمر، وبعد كده رجعت على المكتب من أوائل السبعينات، ووقفت جنبه تمامًا فنيًا ومعنويًا قبل فنيًا".
وأكد المهندس أحمد حسين صبور: "وجودها كان سبب رئيسي في استمرارية المكتب ونموه، وكانت دايمًا حاضرة في كل التفاصيل".
" width="1200" height="616">موقف إنساني
وتطرق صبور إلى موقف إنساني يظهر حرص والدته على حماية والده من أي ضغط نفسي: "مرة كان والدي في ليبيا، ونسي يبعت مصروف البيت. هي باعت دهبها أو أكتر من حاجة من دهبها مش عشان أي حاجة، بس عشان ما تحسش والدي بأي ضغط. كانت شايفة إن لازم البيت مستقر والوالد مركز في الشغل، وما تحسوش بأي ضغط إضافي".
وأكد أحمد حسين صبور أن هذه الروح الاستثنائية والدعم اللامحدود كانت من أساسيات نجاح العائلة والمكتب: "دي حقيقة. هما عيلة واقفين على رجليهم، والحياة الحمد لله في بدايتها كانت جيدة وميسورة. الدعم اللي قدمته ماما أثر كبير علينا كلنا".
" width="1200" height="625">الدروس الحياتية
كشف المهندس أحمد حسين صبور، عن الدروس الحياتية التي تعلمها كابن من والده الراحل الأستاذ حسين صبور: "كتير أوي.. دي ممكن تعمل لها برنامج لوحدها.. أهم حاجة تعلمتها منه كانت المبادئ الأساسية، أول حاجة إن الواحد دايمًا يكون قريب لربنا عشان ربنا يكرمه. ما حدش أبدًا يتخيل إنه شاطر، كل واحد بيجتهد، والشطارة هي في الاجتهاد والتوكل على الله".
مسيرة مهنية
وأشار إلى بداية مسيرته المهنية وكيف تطورت العلاقة العملية مع والده: "أنا درست في أمريكا واتخرجت سنة 87، ورجعت من أمريكا، وأبويا كان عنده مكتب استشاري في ذلك الوقت، وكان أكبر مكتب في مصر، وأحد أكبر ثلاثة مكاتب في الشرق الأوسط".
" width="1200" height="637">وأضاف: "طبيعي جدًا وأنا راجع شايف الإمبراطورية الطبيعية، إني أشتغل فيه، وأتدرج لما أبقى كفء وأقدر أشيل منصب قيادي"، وتطرق أحمد حسين صبور إلى الشراكة المهمة مع مجموعة الأهلي قائلاً: "قصة الأهلي والشراكة جاءت سنة 94... التجربة دي كانت فرصة عظيمة لأني أطبق كل اللي اتعلمته من والدي في بيئة أكبر وأكثر تحديًا. ومن هنا بدأنا نوسع أفق الشركة ونوصل لمستوى مختلف من المشاريع".
وأكد المهندس أحمد حسين صبور رئيس مجلس الإدارة لشركة الأهلي صبور للتطوير العقاري: "النجاح مش بس بالشطارة، النجاح بالشغل الجاد، والاجتهاد، والاعتماد على الله، وده اللي والدي علمنا إياه من أيامنا الصغيرة".
