ألفت عمر: العوضي جدع جدًا وأنا اللي قولت عن "علي كلاي" مسلسل الشارع| خاص
تألقت الفنانة ألفت عمر في الموسم الرمضاني ٢٠٢٦ بشخصية "فيروز" خلال أحداث مسلسل علي كلاي.
وتحدثت ألفت عمر في تصريحات خاصة لـ "الجمهور" عن كواليس تعاونها مع الفنان أحمد العوضي، بالإضافة إلى مشاركتها في مسلسل علي كلاي.
تصريحات ألفت عمر
وقالت ألفت عمر: " علي كلاي أول تعاون بيني وبين العوضي وهو شخص جدع جدًا واتكلمنا كتير بالرغم ان مفيش مشاهد جمعتنا".
وأضافت ألفت عمر في رسالتها لأحمد العوضي: "بقوله خليك زي مانت مهما نجمك يكبر متدوسش على أحمد العوضي كإنسان دوس على أي صفة ممكن تطلعلك تكسر الحاجة الحلوة اللي عندك دوس على الغرور وشياطين الانس والجن اللي حوالين الفنان وبيبقى فاكر نفسه متواضع من برا ولكن من جوا هو مغرور .. وأحمد العوضي مش كدا وأنا عاوزاه يستمر مهما يكبر ويوصل للعالمية بس ميتغيرش ابدًا ويفضل انسان كريم ووفي زي ماهو".
وتابعت: "أحمد العوضي جمعني بيه موقف انساني برا المسلسل في الكواليس بقوله انا مبسوطة اني تعرفت عليك كأنسان مش فنان ومبسوطة إنك طلعت شخصية جدعة ومحترم وبتساعد الناس كلها وموقفه مع رحمة محسن كان واضح جدا".
وعن جملة "مسلسل الشارع"، قالت ألفت عمر: " أنا أول حد قال عن مسلسل علي كلاي مسلسل الشارع في حفلة الشركة المتحدة، وأنا شايفة كدا لان دي حقيقة وهتشوفوها يوم ١٥ رمضان".
