حازم إمام: إمام عاشور وناصر ماهر الأميز في الكرة المصرية
أكد حازم إمام، نجم الكرة المصرية السابق، أن غالبية اللاعبين في مصر يفتقرون للفكرة الهجومية الحقيقية، موضحًا أن معظمهم يعتمد على تمرير الكرة والتحرك فقط دون خلق تهديد مباشر للمنافس.
حازم إمام: إمام عاشور وناصر ماهر فقط لديهم فكرة التعدية في الكرة المصرية
وقال حازم إمام، خلال تصريحات إعلامية مع محمد المحمودي : «الناس كلها في مصر شبه بعض، مفيش حد بياخد الكورة ويعدي، آخره بيباصي ويتحرك، لكن فكرة التعدية مش هتلاقي إلا إمام عاشور وناصر ماهر، عندهم فكرة إنهم يلعبوا وان تو ويعدي ويروح ويشوط» .
وأوضح حازم إمام أن هذا هو السبب وراء تصميم الجهاز الفني للفريق الأول على الاعتماد على ناصر ماهر، رغم وجود لاعبين آخرين مميزين مثل الكرتي وبلاتي توريه: «الشكل بتاع ناصر ماهر مش موجود عند حد تاني، إنه ياخد الكورة ويعدي ويروح ويعمللك مشاكل وخلل للمنافس».
وفي ردّه على سؤال عن فرص ناصر ماهر في المنتخب الوطني مع حسام حسن، قال حازم إمام: «أكيد بطولة أمم أفريقيا الأخيرة علمته كتير أوي، وده اللي كنت بناشد بيه لما واحد يروح بطولة ويخسر مش لازم يمشي. حسام حسن أكيد اتعلم مين يشارك ومين لا ومين يلعب منتخب بشكل معين ومين يلعب ربع ساعة، هو أكيد اتعلم كتير جدا وأكيد شاف مين في الحتة دي يلعب معاه».
وأضاف حازم إمام أن وجود لاعبين مثل إمام عاشور وناصر ماهر يمنح المنتخب أدوات هجومية مميزة، قادرة على خلق فرص خطيرة وكسر دفاعات المنافسين.
