عمرو زكي: اتحاد الكرة "مش بيحمي حسام حسن".. وما يحدث معه عيب
أكد عمرو زكي نجم الكرة المصرية السابق، أن منتخب مصر سيقدم أداء قويًا أمام زيمبابوي في أمم أفريقيا، وقال في تصريحات مع سهام صالح لبرنامج "الكلاسيكو" على قناة "ON": "اللي بيحصل مع حسام حسن ده ظلم واتحاد الكرة مش بيحموا حسام حسن".
وأضاف: "دور الإعلام يدعم المنتخب.. إحنا بندعم الانديه أكتر من المنتخب، حسام حسن رمز كبير جدا.. أنا اشتغلت مع حسام حسن مع الزمالك راجل مش عاوز يخسر".
حسن شحاتة
وتابع عمرو زكي: كابتن حسن شحاتة كان بيتحارب بس وقت البطولة كنا بندعمه طيب ما إحنا في بطولة لازم ندعمه.. النهاردة مفيش أهلي وزمالك حق الناس تشوف المنتخب وتفرح.. إديني فرصة عارف تساعدي ازاي تسكت".
وواصل: كابتن حسام حسن مش أي حاجة تعلم عليها.. مسؤولية هو قال محترفين وربع ممكن يخزن خانة التعبير مش أكتر، حسام حسن مش هيعمل إلا الصح وحسام حسن مثلي الأعلى كرويًا.
صلاح ومرموش
وشدد عمرو زكي: إزاي اشتغل على مرموش وازاي اشتغل صلاح وازاي اشتغل على محمد مصطفى محمد لو جاهز مفيش كلام ولو إمام عاشور جاهز طبعا هو اللي يقود نص الملعب ويكون صانع الألعاب.
كما رأى عمرو زكي، أن مصطفى محمد هو الأجدر بقيادة هجوم منتخب مصر أمام زيمبابوي، وألمح: الزمالك أكبر نادي في أفريقيا مع الأهلي ومصلحة المنتخب أن الزمالك يكون قوي فنيًا.
الجيل الذهبي
وأكد: حسن شحاتة وقت الجيل الذهبي كان بيتحارب ولكن وقت البطولة كنا بنلاقي الدعم، وحسام حسن يعاني من الظلم مع اتحاد الكرة بسبب تسريبات رحيله المتكررة.
وأشار عمرو زكي: "اعذر ميدو في لقطته الشهير في مواجهة السنغال بسبب تواجده في توتنهام ولكن أنا كنت الأعلي فنيًا"، وأكمل: حادثه الساحل الشمالي أثرت علي ماديًا ونفسيًا ووفاة والدي كانت الصدمة الأكبر.
وشدد: لازم نعمل هيكله لكرة القدم من جديد حتي نصل لما وصلت اليه المغرب، مصطفي محمد هو الأجدر بقيادة هجوم المنتخب امام زيمبابوي.
واختتم عمرو زكي: "رسالتي للجيل الحالي، عندما توجنا ببطولة 2008 لم نكن ضمن الترشيحات ولكن فعلناها".
