رنا سماحة تحتفل بعيد ميلاد نجلها مالك.. أنت العوض والطبطبة من ربنا

في أجواء عائلية مفعمة بالمشاعر، احتفلت الفنانة رنا سماحة بعيد ميلاد نجلها مالك، من طليقها الملحن سامر أبو طالب، حيث شاركت جمهورها عبر حسابها على موقع إنستغرام مقطع فيديو يضم مجموعة من صور طفلها، مرفقة برسالة مؤثرة تعكس عمق ارتباطها به.

وكتبت سماحة في تعليقها على الفيديو: "زي دلوقتي جيت الدنيا يا لوكي.. جيت عشان تكون العوض والطبطبة اللي ربنا بعتهالي.. جيت عشان تبقى الحضن الحنين اللي بهرب ليه من كل الدنيا.. جيت عشان تكون الأمان والحنان والفرحة والحياة."

وتابعت بكلمات لا تخلو من الحنان: "كل سنة واحنا في حضن بعض يا عمري.. وربنا يقدرني ويديني العمر وأكمل الرحلة معاك لحد ما أطمن إني جبت للدنيا راجل يتسند ويعتمد عليه.. بحبك يا حياتي."

وحظي الفيديو بتفاعل واسع من متابعيها الذين انهالت تعليقاتهم بالتهنئة، حيث كتب أحدهم: "أحسن حاجة إنه طالع يشبهك حبيبتي، ربنا يحميه يا رب"

فيما قالت أخرى: "ما شاء الله، كل سنة ولوكا القمر طيب وبخير وصحة وسعادة، وعقبال مليون سنة، ربنا يحميه ويفرحك به وتشوفيه أحسن راجل في الدنيا."

 كما علّقت متابعة: "العمر كله وانتوا سوا وفرحانين وفخورة بيكي، ربنا يحفظكم يارب.

” وجاء تعليق آخر: "ما شاء الله، كل سنة وهو بخير وصحة وسعادة، وربنا يخليكي ليه ويخليهولِك، وتشوفيه أسعد الناس.. أجمل حاجة إنه شبهك يا رنوش."

آخر أعمال رنا سماحة الغنائية

وعلى صعيد آخر، كانت أحدث أغنيات رنا سماحة هي "مهري حياة"، التي طرحتها عبر قناتها على يوتيوب في شهر أكتوبر الماضي. وتدور كلمات الأغنية حول مفهوم العطاء غير المشروط في الحب، وجاء في مطلعها:

أنا مهري حياة

اطمن وأنا عيشاها معاك

أنا مهري سنين

تفضل فيها زي ما عيني شيفاك

أنا مهري تكون

أعظم إنسان وأنا هابقي وراك

مش محتاجة غير أمان

ابقى جمبك مهما كان

وابقى كل حاجة عندك

والزعل مالوش مكان

قلبي ليك يبقى بيت

يكون سرك لو حكيت

أي سكة فيها راحتك

قبلك فيها أكون مشيت

أنا مهما هاقول

عن فرحتي مش قادرة أوصفلك

نفذت وعود

ووجودي جنبك ده يثبتلك

وعشان حبيت

سيبت الغالين جري وجتلك.