ميدو يصرخ.. فضيحة كأس العرب لن تُمحى واحترام قميص المنتخب خط أحمر

أعرب أحمد حسام ميدو، لاعب الزمالك ومنتخب مصر السابق، عن غضبه الشديد بعد خروج منتخب مصر الثاني بقيادة حلمي طولان مبكرًا من بطولة كأس العرب 2025 من دور المجموعات، مؤكدًا أن ما حدث يمثل ضربة قوية لتاريخ الكرة المصرية.

وقال ميدو في تصريحات خلال برنامج "أوضة اللبس": "لازم نحترم قميص منتخب مصر، المنتخب الوطني سواء الأول أو الثاني أو الأولمبي بيمثل شعب كامل، ولازم يكون في تقدير للمسؤولية."

وأضاف: "بطولة كأس العرب 2025 نقطة سوداء في تاريخنا، مفيش أي تجميل للمشهد، لأن اللي حصل واضح قدام عينينا كلنا."

وتابع ميدو: "اللي حصل مصيبة، مفيش تنسيق، مفيش خطة، مفيش استراتيجية لتطوير اللاعب المصري، العالم كله بيشتغل بخطط طويلة المدى، وإحنا لسه شغالين بشكل عشوائي وعايشين على الماضي."

واختتم تصريحاته قائلًا: "الجيل الجديد مش هينسى اللي بيحصل دلوقتي، اللي حصل في البطولة فضيحة في الأداء والنتيجة، كل اللاعبين اللي شاركوا اتحرقوا بسبب سوء الإدارة، وخروجنا بالطريقة دي مسؤولية كاملة على القائمين على الكرة المصرية."