تفاصيل جديدة من ولية أمر شهدت لحظة حادث الطالبة جنى بالشروق

كشفت إحدى أولياء الأمور – وهي شاهدة عيان فى واقعة دهس طالبة أسفل عجلات سيارة ولية أمر زميلها بمدينة الشرو  نقلت جنى بسيارتها إلى المستشفى – تفاصيل جديدة حول اللحظات الأخيرة قبل الحادث وبعده.

وقالت الشاهدة

"أنا ولية أمر في المدرسة، وبنتي صاحبة جنى. كنت خارجة من المدرسة ومعايا بناتي، وماشية بالعربية خلف المتهمة مباشرة."

وأضافت:

 "المتهمة كان معاها ولادها في العربية، وكانت ماشية بسرعة شوية، لكن جنى عدت الطريق فجأة من غير ما تبص. أصحابها نفسهم شهدوا بكده."

وتابعت الشاهدة:

"بعد ما العربية خبطت جنى، المتهمة نزلت جريت عليها وهي في حالة صدمة، وكانت بتصرخ وتقول إنها عدت فجأة. كانت منهارة وبتسأل نوديها فين."

وواصلت:

 "أنا وواحد دليفري شلّينا البنت، ونزلت ولادي من العربية وجرينا بيها على عيادات بدر في نفس الشارع. ملقيناش طوارئ، وقالولي روحي مستشفى الشروق العام. المتهمة كانت ماشية جنبي بعربيتها، وأنا أخدت طريق مختصر للمستشفى."

واختتمت شهادتها قائلة:

 "جنى كانت لسه عايشة في الطريق بس لما وصلت المستشفى كانت توفيت. ودي شهادة حق، وربنا يحاسبني عليها."